Heim Nyhende Variert Vågåseminar

Variert Vågåseminar

Vågå kommune og LNK er stolte over å kunne presentera eit variert og spennande program til Vågåseminaret.

Jørn Hoel skal presentere ei ny stjerne på pophimmelen under Vågåseminaret. Foto: Per Heimly
27. til 29. august er det klart for eit seminar som skal  handle om kulturbasert næringsutvikling, utviklingstrendar i eit distriktspolitisk perspektiv og reiseliv. Her blir det stort innrykk av folk frå fjern og nær som kan tenkjast å ha ei meining og interesse om temaet. Somme av dei skal vere der for å underhalde, somme for å inspirere, og somme skal kanskje irritere og egge til debatt. I løpet av Vågåseminaret/Landstinget skal også LNK halde årsmøtet sitt.

Attraktivt for unge

TV2-kjendis og bonde Inga Berit Lein vil vere til stades for å snakke om Kommunal- og regionaldepartementet sitt Bolystprosjekt. Lein sit sjølv i Bolystrådet, og ho vil snakke om korleis ein kan gjere distrikta meir attraktive for unge folk.

Bonde Inga Berit Lein driv garden Lein Vestre og har utvikla gardsdrifta til også å vere ein pedagogisk ressurs. Som medlem av Bolystrådet kjem ho til Vågå for å snakke om eit attraktivt Bygde-Noreg. Foto: leinvestre.no
Musikar Jørn Hoel skal presentere eit nytt norsk talent på pophimmelen, som førebels er svært hemmeleg. Hoel skal og underhalde på natur-, mat- og kulturkvelden som finn stad i Arne Brimi sitt rike på Vianvang.

Miljøkrig og poesi

Det kan bli friskt når miljøvernar Kurt Oddekalv kjem for å diskutere innmark, utmark og utbygging med investor i Kvitfjell, Iver Hammeren. Same dag skal også regjeringa vere representert ved næringsminister Dag Terje Andersen. Han skal snakke om regjeringa sin reiselivspolitikk.

Forfattaren Hilde Myklebust er småbrukar og poet og brukar landbruket, dyra og slekta som bakteppe i forfattarskapen sin. På Vågåseminaret kjem ho for å by på bitar av eit liv med både praktiske og poetiske utfordringar.

Tilbake til hippietida

Vidare kan ein få høyre om spa, innvandring, blilyst, breiband, coaching og energikampen. Og ikkje minst er det råd å få sjå musikalen Hair framført på gudbrandsdalsdialekt!. Det blir rock’n’roll, song og dans til langt ut i seinsommarnatta i Vågå.

NYNORSK INSPIRASJON

Tilbyr digitalt språkkurs for kommunetilsette

Øygarden kommune har utarbeidd eit digitalt språkkurs som handlar om grunnleggjande nynorsk grammatikk og oppgåver undervegs. Kurset er lagt inn i KS Læring. Deltakarane vert...

Klar med nynorskkurs for lærarar

Kurset er laga for at lærarar som skal bruka nynorsk og undervisa i nynorsk skal bli trygge nynorskbrukarar. På oppdrag frå Bergen kommune har Nynorskkommunane...

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

MEST LESE

Språkrådet ber avisene sikre nynorskdelen i framtida

Nynorskavisa Kvinnheringen kan publisere Amedia-tekstar og meiningsinnlegg på bokmål, men trur ikkje dei vil skrive mindre nynorsk framover. – Det som overraska mest var nok...

Litteraturbåten Epos inviterer til litteraturcruise i Hardanger heile sommaren!

No kan du bli med den gamle bokbåten på tur blant bøker, bølger og bygder i Hardanger! Den 61 år gamle båten Epos har vore...

Nynorsk litteratur der ute – og heim igjen

Korleis har litteratur på mindretalsspråket nynorsk enda opp med å vinne internasjonale prisar? Og kvar går vegen vidare? Dette er nokre av spørsmåla du kanskje...

Nynorsk og bokmål må inn i Grunnlova

Det er på høg tid å grunnlovfesta norsk som nasjonalt hovudspråk i Noreg og grunnlovfesta jamstillinga mellom bokmål og nynorsk. Den formelle likestillinga mellom bokmål...