Kulturdepartementet vedgår no at dei har ein nynorskjobb å gjere, skriv NRK.
Nyleg kom det fram at nynorskkommunen Fjell får 80 prosent av alle offentlege skriv på bokmål. Trass i at mållova gir klar beskjed om at alle skriv til nynorskkommunar skal vere på nynorsk.
Politisk rådgjevar i Kulturdepartementet, Roger Solheim, seier til NRK at dei ikkje er gode nok på å fylgje opp mållova og lovar betring.
– I dette konkrete tilfellet vil me sende eit nytt brev til Fjell kommune, denne gongen på nynorsk. Me skal innskjerpe at alle skriv frå oss til nynorskkommunar skal vere på nynorsk, og be dei andre departementa gjere det same, seier han til NRK.
