Tospråklege barn har behov for språkstimulering allereie frå 3 års-alderen. Det kjem fram i ei dansk undersøking.
Det er barnehagebarn i Århus i Danmark som har blitt kartlagt, og kartlegginga syner at to av tre 3-åringar som har fått språkleg stimulans har hatt ein markant språkleg framgang. For meir enn halvparten av barna er framgangen så stor at ein kan seie det dei har opplevd på tre år er ein framgang det normalt ville tatt mykje meir enn tre år å oppnå, heiter det i ei pressemelding frå Århus kommune gjengitt på Utdanningsnytt.no.
Rådgjevar Kristian Würtz i barne- og ungdomsavdelinga i Århus, seier at barn har for dårleg språk når dei byrjar i folkeskulen, og at alle tospråkelge barn og kvart tiande barn med dansk som morsmål har eit dårlegare språknivå enn alderen tilseier.
