Heim Nyhende Søkjer om valfritt sidemål

Søkjer om valfritt sidemål

Buskerud fylkeskommune søkjer om å få gjere endringar i norskfaget, for andre gong i løpet av eit år. Endringane består i å gjere sidemål valfritt, èin karakter i norskfaget og vurderingsfritak i sidemål for elevar med lese- og skrivevanskar, melder Norsk Tidend.

– Det er viktig for oss, då vi ser at ein av fem elevar går ut av skulen utan å kunne lese og skrive skikkeleg. Derfor ønskjer vi å prioritere det som er viktig i skulen. Og det som er viktig, er å lære seg hovudmålet skikkeleg. Derfor søkjer vi no, då vi ser at Kristin Halvorsen har endra meining. Vi fekk avslag på søknaden i fjor, men no håpar vi å få søknaden godkjent, slik at elevane ved dei vidaregåande skulane i Buskerud får valfritt sidemål frå i haust, seier Christopher Wand (Høgre), medlem i hovudutvalet for utdanningssektoren. Fråsegna er gitt i ein video som ligg på Buskerud fylkeskommune si heimeside.

Ifølgje Norsk Tidend er søknaden grunngitt med eit møte med kunnskapsminister Kristin Halvorsen kor det skal ha kome signal om at satsinga på sidemålet skal reduserast. Departementet på si side seier dette var sagt i generelle vendingar og at det ikkje var noka oppmoding til Buskerud fylkeskommune om å setje i gong eigne tiltak for å gjere endringar i norskfaget.

Buskerud fylkeskommune sendte ein liknande søknad i fjor. Denne søknaden vart avslått. Utdanningsdirektoraret har tidlegare uttalt at alle søknader om valfritt sidemål vil bli avslått.

NYNORSK INSPIRASJON

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

Seks fine julebøker på nynorsk

Mange skular og barnehagar bruker adventstida til høgtlesing kvar dag. Her får du tips til fleire gode bøker på nynorsk med god...

Vil gi utviklingsstøtte til fleire nynorske produksjonar i Den kulturelle skulesekken

Kulturtanken, Seanse, Høgskulen i Volda og fleire fylkeskommunar samarbeider om å få meir nynorsk i Den kulturelle skulesekken i ei heilt ny...

Voss herad er Årets nynorskkommune: – Det same som verdsmeister i nynorsk

Kulturdepartementet heidrar Voss herad for klar og tydeleg informasjon på nynorsk under koronakrisa. – OL-og VM-medaljer har me i bøtter...

MEST LESE

Gratis boktips til nettsidene til bibliotek og skular

No kan du få siste bokmeldingar, bokomtalar og forfattarintervju frå Lesedigg.no direkte inn på nettsidene til biblioteket eller skulen din. I juni opna den nye...

125 årsjubileum for Tarjei Vesaas : – Kanskje den fremste litteraturen som er skriven i dette landet

Som tenåring gjekk Tore Renberg til lokalavisa for å kjøpe eit portrett av forfattaridolet sitt, medan kultur- og likestillingsminister Anette Trettebergstuen framleis sit med...

Språksjov-Linda vedgår: – Mange vil gjerne inn i skåpet mitt

Dette er det andre intervjuet i årets sommarserie. Mykje moro og mange bilete av den fargerike vossingen og sjefen for den populære...

Guri Vesaas får Storegutprisen under Litteraturdagane 2022

På Litteraturdagane i Vinje blir tidlegare redaktør i Det Norske Samlaget, Guri Vesaas, heidra med Storegutprisen. Ho får prisen spesielt for den...