Det er på tide å fjerne sidemålsstilen, meiner adjunkt og norsklærar ved Ringerike videregående skole, Ane-Lin Strømholm.
– Eg er lei av at sidemålstilhengarane og målfolket kan forsvare sidemålsstilen med usaklege argument utan at nokon reagerer, medan me norsklærarar som er imot sidemålsstilen ikkje kan seie noko i det heile utan å bli sett på som svikarar og mindre forstandige menneske, skriv Strømholm i eit lesarbrev i Aftenposten.
Ho viser til at ho fekk sjokk då ho leste pensum i språkdidaktikk i masterstudium i norskdidaktikk.
– Ein del av pensum var eit heilt kompendium som innhehaldt artiklar som skulle forsvare sidemålet eller nynorsken sin eksistens i skulen, skriv ho.
– Eg har til dags dato ikkje snakka med nokon, verken venner, familie eller tidlegare elevar, som har hevda at dei har hatt bruk for nynorsken dei ein gang lærte. Unntaket må vere dei som har blitt norsklærarar eller journalistar i ei avis på Vestlandet. Resten av befolkninga har gløymt sine nynorskkunnskapar nettopp fordi dei ikkje har hatt bruk for dei.
