Leiaren i Rogaland Mållag, Magne Viggo Høyland, håpar den nye vidaregåande skulen på Bryne brukar nynorsk som administrasjonsmål.
Høyland kjem med ei sterk oppmoding om at skulen vil bruke nynorsk.
– Ut frå historia til Bryne vidaregåande skule vil det vere synd om skulen skulle bruke bokmål. Det vil heller ikkje stemme med daglegtalen på Jæren, seier Høyland.
Han kom med oppfordringa under opninga av fylkestinget nyleg. Rogaland Mållag var drivkrafta bak opprettinga av skulen i 1924, skriv Stavanger Aftenblad.
– Skulemålspresset mot ungdom i vidaregåande skuler er nå større enn det elevane som reiste til landsgymnaset opplevde fram til 1980. Det vil vera synd om den nye skulen på Bryne får bokmål som administrasjonsmål ut frå historia til skulen, slo Høyland fast.
