Heim Nyhende Vil ha valfritt sidemål

Vil ha valfritt sidemål

Aust-Agder FpU og Grimstad Framstegsparti vil ha valfritt sidemål i vidaregåande skular, skriv NRK Sørlandet.

 

– Det er på tide at elevane får velje sjølve. Framstegspartiet er av den oppfatning at det å ha obligatorisk sidemålseksamen ikkje er til elevane sitt beste, seier Lene Langemyr i Grimstad Frp i ei pressemelding.

Ho legg også vekt på at ein gjennomførte eit prøveprosjekt i ni Oslo-kommunar over ein treårsperiode og at sluttrapporten berre gav positive resultat om at det vart betre karakterer og at elevane fekk ei meir positiv haldning til sidemål.

– Rapporten seier også at elevane vil lære og bli kjend med nynorsk, men ikkje ha eksamen i dette, seier ho til NRK Sørlandet.

Lene Langemyr får støtte frå  formann i Aust-Agder FpU, Jan Erik Buarøy som meiner dette er ei sak for Fylkestinget.

– Det bør vere av tverrpolitisk interesse at elevane går ut av skulen med best mogleg karakterer. FpU meiner at obligatorisk eksamen i sidemål er med på å øydelegge snittet til mange elevar, og kan vere med på å hindre vidare utdanning, seier han til  Agderposten.

NYNORSK INSPIRASJON

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

Seks fine julebøker på nynorsk

Mange skular og barnehagar bruker adventstida til høgtlesing kvar dag. Her får du tips til fleire gode bøker på nynorsk med god...

Vil gi utviklingsstøtte til fleire nynorske produksjonar i Den kulturelle skulesekken

Kulturtanken, Seanse, Høgskulen i Volda og fleire fylkeskommunar samarbeider om å få meir nynorsk i Den kulturelle skulesekken i ei heilt ny...

MEST LESE

Vi treng eit nynorskløft i lærarutdanningane

I dag er det beint fram tilfeldig om ein student går ut av lærarutdanninga med kunnskap og kompetanse til å gje nynorskelevane ei god...

Ola Borten Moes handlingsplan for norsk fagspråk møter kritikk

Handlingsplanen til regjeringa for norsk fagspråk møter kritikk frå professor som meiner regjeringa prioriterer det norske språket over kvalitet i forskinga. – Engelsk er språket...

Framtida Junior er årets nynorskbrukar

Framtida Junior fekk prisen "Årets nynorskbrukar 2023" for å bryte veg for meir nynorsk på digitale medieflater og for å skrive om varierte emne...
Mindre lokalt - meir sentralt: Frå Radiohuset til NRK på Marienlyst i Oslo. Foto: Wikipedia

NRK oppfyller ikkje nynorskkravet – framleis for lite nynorsk på nett og radio

Andelen nynorsk i NRK har auka noko, men det er framleis eit stykke igjen til målet, viser Medietilsynets tilsynsrapport for fjoråret. Direktør Mari Velsand i...