Heim Nyhende Målpris til Universitetet i Bergen

Målpris til Universitetet i Bergen

Universitetet i Bergen får Målprisen 2010 av Noregs Mållag. – Dette er svært oppmuntrande og gledeleg, seier rektor ved UiB Sigmund Grønmo.

– Me legg vekt på å bruke begge målformene og har ein medviten språkpolitikk. Denne rosen set me stor pris på, seier Grønmo.

Han fortel at dei brukar nynorsken både muntleg og skriftleg.

– Me brukar mykje nynorsk i informasjonsmateriale, og eg personleg vekslar mellom bokmål og nynorsk, både muntleg og skriftleg, fortel Grønmo.

Ambisiøse mål

Universitetet i Bergen utforma i 1996 eigne retningslinjer for språkbruk, med mål om 30 prosent nynorsk. Det nasjonale målet er 25 prosent.

Leiar i Noregs Mållag Håvard Øvregård peiker på at universitetet allereie den gongen viste at dei stilte høge krav til seg sjølv.

– Dei har medvite arbeidd i alle år for at nynorsk skal ha like vilkår som bokmål, seier Håvard Øvregård.

Øvregård seier at det er viktig at nynorsken har ein naturleg plass i høgare utdanning, og at UiB har klart nettopp det.

– Motverkar målskifte

– Universitetet i Bergen motverkar med sin språkpolitikk målskifte etter vidaregåande. På masterutdanningar ser me mellom anna at nynorsken held stand, fortel Øvregård.

Mållagsleiaren tykkjer det er viktig å framheve dei som er gode.

– Det er viktig å gi skryt og synleggjere dei som fortener det. Universitetet i Bergen er éin av desse.

(Fakta) Målprisen dei siste 11 åra:

2010: Universitetet i Bergen

2009: Magnhild Meltveit Kleppa

2008: Halvor Folgerø og Finn Tokvam

2007: Arne Johannesen

2006: Olaug Nilssen

2005: Kjartan Fløgstad

2004: Are Kalvø

2003: Ola Jonsmoen

2002: Kari og Ivar Medaas

2001: Hellbillies

2000: Opera Software

2000: Guri Vesaas

 

(©NPK)

Førre artikkelUtsira i front
Neste artikkelVil ha valfritt sidemål

NYNORSK INSPIRASJON

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

Seks fine julebøker på nynorsk

Mange skular og barnehagar bruker adventstida til høgtlesing kvar dag. Her får du tips til fleire gode bøker på nynorsk med god...

Vil gi utviklingsstøtte til fleire nynorske produksjonar i Den kulturelle skulesekken

Kulturtanken, Seanse, Høgskulen i Volda og fleire fylkeskommunar samarbeider om å få meir nynorsk i Den kulturelle skulesekken i ei heilt ny...

MEST LESE

Språkrådet og språkdirektør Åse Wetås meiner den nye læreplanen kan svekkje den samla norskkompetansen til elevane. Foto: Moment Studio/Språkrådet

Ny opplæringslov heng ikkje med i tida

Framlegget til ny opplæringslov stiller krav om at skriveprogram i skulen skal fungera like godt på nynorsk og bokmål. Men kvifor er det framleis...

Mellom appar og bærbare skjermar heve nynorsken mista sin heim

Kunnskapsdepartementet er asfalten nynorske løvetannbarn må sprenge seg gjennom. Alle norske elevar har lenge hatt rett til læremiddel på eige språk, men tida der eit...

Velkommen til landsting og 30-årsjubileum for LNK!

Me har gleda av å invitera dykk til landsting, årsmøte og 30-årsjubileum i Landssamanslutninga av nynorskkommunar. I år vert landstinget halde på Quality Sogndal...

– Den nye opplæringslova er ikkje god nok for nynorskelevane

Fredag 24. mars 2023 la Tonje Brenna fram forslag til ny opplæringslov. Norsk Målungdom synest det er fleire gode framlegg for nynorskelevane, men at...