Heim Nyhende Vil ha Venstre med på nynorskløft

Vil ha Venstre med på nynorskløft

Sveinung Rotevatn og Peder Lofnes Hauge med fleire forslag for å styrkja nynorsken.

Denne helga skal landstyret i Venstre innstille på nytt partiprogram. I inneverande program slår Venstre fast at partiet vil «sikra ei brei og god opplæring på begge målformer» og halda på sidemålskarakteren i den vidaregåande skulen.

Stortingspresentant for Venstre Sveinung Rotevatn og styremedlem i Noregs Mållag og politisk rådgjevar for byrådet i Bergen, Peder Lofnes Hauge vil gå lenger.

I tillegg til å halde fram med eigen karakter, ønskjer dei seg meir sidemål og tidlegare start med sidemålsopplæring i skulen.

– Eg er overtydd om at tidlegare start med sidemålsopplæring er vegen å gå. Det er absurd å byrje opplæringa midt i puberteten. Yngre elevar er langt meir mottakelege for språkinnlæring, og tidlegare start vil truleg styrke kompetansen og bygge ned fordommar, seier Lofnes Hauge.

LES OGSÅ: Rotevatn går for nynorsk grunnlov

Bøker på nynorsk i barnehagane
Rotevatn og Lofnes Hauge vil at barnehagane skal få bøker og lydbøker på nynorsk, og at elevar i bokmålsområde skal få møte nynorsk i andre fag enn norsk.

– Korleis tenkjer de å sikre at alle barnehagar skal få bøker og lydbøker på nynorsk?

– Det kan vere ulike vegar til ei slik målsetting, men vil nok krevje ei øyremerka nasjonal satsing. Så kan ein vurdere på sikt om ein skal gjere det til eit krav i samband med tildeling av barnehagetilskot i kommunane. Det viktigaste er at barnehageborn får møte også nynorsk litteratur, seier Peder Lofnes Hauge.

LES OGSÅ: Det blir nynorskløft i Bergen

Nynorsk i lærarutdanningane
Rotevatn og Lofnes Hauge ønskjer seg meir språkmektige lærarar og at elevane skal få møte meir nynorsk, både i skulekvardagen og i samfunnet elles.

– Lærarutdanningane må sørgje for kompetente språklærarar, og studentane må bli rusta til å undervise i og på både nynorsk og bokmål, både fordi elevane fortener språkmektige lærarar, men og fordi lærarar skal kunne ta seg jobb i heile landet, seier Peder Lofnes Hauge.

– Vi vil at norske elevar skal få møte meir nynorsk i sine bokmålsdominerte kvardagar, både i barnehagen, på skulen, i aviser og på internett, seier Sveinung Rotevatn.

Landsmøtet til Venstre er i Ålesund 31. mars.

Utfordrar partia
Noregs Mållag har sett opp fem punkt som dei utfordrar partia på før Stortingsvalet.

– Dei nye framlegga til Venstre er gode, og tar tak i fleire av desse punkta me har sett opp seier Marit Tennø, politisk rådgjevar i Mållaget til Framtida.no.

Rett til opplæring på eige språk i ungdomsskulen er ikkje med på lista til Rotevatn og Lofnes Hauge, men i haust var partiet med på å sikra fleirtal for å greia ut det som blir kalla for Odda-modellen.

LES OGSÅ: Venstre vil ha nynorskløft i budsjettet

NYNORSK INSPIRASJON

Tilbyr digitalt språkkurs for kommunetilsette

Øygarden kommune har utarbeidd eit digitalt språkkurs som handlar om grunnleggjande nynorsk grammatikk og oppgåver undervegs. Kurset er lagt inn i KS Læring. Deltakarane vert...

Klar med nynorskkurs for lærarar

Kurset er laga for at lærarar som skal bruka nynorsk og undervisa i nynorsk skal bli trygge nynorskbrukarar. På oppdrag frå Bergen kommune har Nynorskkommunane...

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

MEST LESE

Uroa for alle som skal læra nynorsk etter funn i ny undersøking

Over 23 prosent av rektorane i grunnskulen var ukjente med at det blir krav til at skriveprogram skal støtta både nynorsk og bokmål frå...

Stillingsutlysing: Vil du få til meir MÅL på Jæren?

Stillingsutlysing: Er du glad i målet ditt, nynorsk og vil få fleire til å gleda seg over dialekta si og nynorsken? Er du i tillegg...

Språkrådet ber avisene sikre nynorskdelen i framtida

Nynorskavisa Kvinnheringen kan publisere Amedia-tekstar og meiningsinnlegg på bokmål, men trur ikkje dei vil skrive mindre nynorsk framover. – Det som overraska mest var nok...

Litteraturbåten Epos inviterer til litteraturcruise i Hardanger heile sommaren!

No kan du bli med den gamle bokbåten på tur blant bøker, bølger og bygder i Hardanger! Den 61 år gamle båten Epos har vore...