Distriktsbutikkane får i år 11 millionar kroner til kompetansetiltak av Kommunal- og regionaldepartementet. Det er ein auke på 2 millionar kroner.
Midlane blir løyvde gjennom MERKUR-programmet, eit statleg initiativ som skal styrke eksisterande sørvistilbod i grendene.
Viktig lærdom
Lesjaverk Coop vart i mars i år kåra til Årets MERKUR-butikk på Austlandet, og butikkdrivar Sørine Melgård er svært fornøgd med tiltaket.
– MERKUR har betydd veldig mykje for oss og vi lærer heile tida noko nytt, fortel Melgård. Nyleg var ho på kurs om kjøle- og fryselagring, og det er denne opplæringa i kombinasjon med det å treffe andre som driv små butikkar ho trur er styrken til programmet.
I tillegg til utviklingsmidlar på 11 millionar vil også departementet løyve 15 millionar til ei eiga investeringsstøtteordning, noko Melgård meiner gir stor gevinst til distriktsbutikkane.
Hyttefolk til butikken
– Ein god daglegvarebutikk er ein viktig føresetnad for at lokalsamfunnet skal framstå som attraktivt, seier kommunalminister Liv Signe Navarsete (Sp) i høve ekstraløyvingane til MERKUR.
– Mange daglegvarebutikkar er den siste viktige møtestaden i si bygd. Dei er viktige leverandørar av ulike offentlege og private tenester og tilbod som post og tipping. Det er og særs viktig at hyttefolk nyttar lokalbutikkane når dei skal gjere sine innkjøp til dømes i samband med påskeferien som no står
