Folke- og fylkesbiblioteka kan no søkje om støtte til tiltak som styrkjer leselysta hos vaksne.
Målet er at biblioteka skal styrkje leseinteressa og gi gode tilbod til vaksne som av ulike årsaker les lite, ifølgje ABM-utvikling, Statens senter for arkiv, bibliotek og museum.
Hovudmålgruppa for leseåret 2010 er vaksne som les lite, og ABM-utvikling lyser ut 3 millionar kroner til tiltak i folke- og fylkesbiblioteka som kan betre leselysta hos vaksne.
Pengane skal gå til samarbeids- og utviklingstiltak innanfor satsingsområda arbeidsplassbibliotek, familielæring og unge vaksne. Søknadsfrist er 15. april. (©NPK)
