Tidlegare i haust vart Stord kommune kåra til Årets nynorskkommune 2009. No vil ordføraren bruke prisen til å styrke nynorskarbeidet i kommunen.
Stord kommune vil bruke prisen på 100.000 kroner til å styrke tiltak som barnebokfestivalen Falturiltu, språkkurs for dei tilsette i kommunen, det lokale mållaget og den kulturelle skulesekken.
Noko Hege Myklebust som sit i styret til Falturiltu er godt nøgd med.
– Dette er veldig bra. Me har nett gjennomført årets Falturiltu-festival på ein god måte med stor suksess, seier ho til nm.no
– Eg tykkjer det er veldig bra at kommunen vil stø nynorsktiltak vidare. Stord kommune er allereie ein viktig økonomisk støttespelar og dette er eit viktig signal, meiner ho.
Prisen Årets nynorskkommune skal gå til ein kommune som har nynorsk som sitt offisielle språk, og som har gjort ein særskild innsats for å fremje nynorsken. Det er Kommunal – og regionaldepartementet som deler ut prisen i samarbeid med LNK.
Les meir på nm.no
