Sydvest bokfestival er snart klare til sin andre festival og reindyrkar profilen.
Sydvest bokfestival opnar 12. november, og er i år utvida til fire dagar. På festivalen blir det presentasjon og feiring av nye fagbøker, film og digital formidling om Hardanger, Sunnhordland, Haugaland og Ryfylke.
Over 20 forfattarar kjem og deltar på til saman 30 arrangement på Skakkesenteret i Etne.
Oddgeir Bruaset, Siri Helle, Lars Lundal, Nils Olav Østrem, Drude Isene er nokre av dei som kjem.
På kveldssetet på fredagen blir det presentasjon av høgdepunkt frå nye årbøker frå regionen. 10 sogelag er representerte.
– I år har me reindyrka profilen til sakprosa, faglitteratur, digital formidling og film, fortel biblioteksjef Marit Rønnevik.
Målet til festivalen er å mellom anna å styrkja lokal identitet og kunnskap om lokal kultur og inspirera til nye utgjevingar og ny formidling.
I opningsåret i fjor samla dei kring 250 personar, trass svært lite pengar til marknadsføring. No håpar dei på endå fleire.
