Kampen mot strukturendringar ved lokalsjukehusa held fram. I desember samlar sjukehusaksjonistar seg framfor Stortinget for å demonstrera.
– Vi håpar på god oppslutnad, for engasjementet er sterkt over heile landet no. Det kjem aksjonistar ifrå nord, aust, sør og vest med parolar.
Eitt av hovudkrava våre er å stoppa prosessane og vedtaka som går på strukturendringar rundt om på sjukehusa, til dømes fødetilbodet i Lærdal og på Nordfjordeid, seier koordinator Bente Øien Hauge for Folkerørsla for lokalsjukehusa til NRK.
6. desember kjem busslaster med sjukehusaktivistar for å demonstrera framfor Stortinget.
– Vi krev at styringa av sjukehusa kjem tilbake på politiske hender, i staden for at helseføretaka no får frie rammer til å gjera strukturendringar, seier Øien Hauge. (NPK)
