21 millionar kroner må på bordet for å få Haugesenteret i Ulvik i full drift.
Nynorsk kultursentrum har nett presentert eit oppdatert treårsbudsjett for Haugesenteret, skriv Avisa Hordaland. No har dei søkt om 800.000 i kommunalt tilskot det komande året. Ulvik herad har allereie investert omlag sju millionar i senteret, i oppussinga av det gamle heradshuset.
Men framleis er det mykje midlar som må på plass, og då spesielt i løpet av 2011 og 2012. Det er ynskjeleg med omlag ni millionar kroner frå departementet, fylket og private sponsorar.
