Sjukehuset i Kristiansund vil tilby røntgentenester til sjukeheimar i distrikta. Dette vil spare eldre sjuke menneske for tøffe reiser.
Helse Nordmøre og Romsdal arbeider no med å etablere eit omreisande røntgenteam som skal betene sju kommunar på Nordmøre.
Dette vil spare dei eldre for enorme belastningar, seier radiograf Ronny Sørensen til NRK.
– Vi slepp å frakte pasientane til sjukehuset og kan gjere dei fleste røntgenundersøkingane på rommet til brukaren.
Ei undersøking som vart gjort i Oslo, viser at 40 av 750 pasientar som måtte reise til sjukehus for å ta røntgen, døydde.
Prosjektet med røntgen på sjukeheimar har vore forsøkt med stort hell ved eit sjukehus på Austlandet, seier Sørensen.
– Det var ingen dødsfall i kontrollgruppa på Austlandet, som fekk tilbod om røntgen på sjukeheimsplassen.
Helse Nordmøre og Romsdals omreisande røntgenteam skal betene kommunane Smøla, Tingvoll, Aure, Sunndal, Gjemnes, Eide og Averøy. (NPK)
