Sogn og Fjordane gjer det betre enn landsgjennomsnittet på dei nasjonale prøvane i lesing.
I fleire kommunar presterar elevane i år betre enn landsgjennomsnittet på nasjonale prøver i lesing samanlikna med i fjor. Samstundes har fleire elevar fått fritak frå prøvene, skriv Firda.no.
Ifølgje eit oversyn fra Utdanningsdirektoratet har det dei siste tre åra blitt dobbelt så mange kommunar som ligg over det nasjonale gjennomsnittet i nasjonale prøver i lesing på 5. trinn. I 2011 ligg 30 prosent av kommunane over landsgjennomsnittet.
Også for 8. trinn er det fleire kommunar som ligg over landsgjennomsnittet i år samanlikna med i fjor.
Det er elevane i Akershus, Oslo og Sør-Trøndelag som gjer det best samanlikna med det nasjonale nivået på 5. trinn.
Oslo og Akershus har best resultat på 8. trinn, men òg i Buskerud, Sogn og Fjordane og Sør-Trøndelag gjer elevane det på dette trinnet betre enn landsgjennomsnittet.
Jenter presterar framleis betre enn gutar i lesekunnskapar. Det er større skilnad mellom kjønna på 8. og 9. trinn enn på 5. trinn.
Nasjonale prøver i lesing vart gjennomført for om lag 180.000 elevar i 5., 8., og 9. trinn i september.
Prøvane er på papir og inneheld oppgåver som å finne informasjon i tekstar, tolke og forstå tekstar og reflektere over og vurdere form og innhald i tekstane.
Fleire elevar fekk i år fritak frå å vere med på prøvane enn tidlegare i år. Dette er ein trend som har vart heilt sidan ordninga med nasjonale prøver vart innført.
Utdanningsdirektoratet trur at dette kan ha samanheng med at det har vore ein auke av elevar med enkeltvedtak om spesialundervisning, særleg i norskfaget.
