Det er konklusjonen i den nye rapporten Sosiale medium i forvaltinga frå Direktoratet for forvaltning og IKT (Difi).
– På den eine sida kan alle sjå at staten brukar sosiale medium aktivt, men på den andre sida er det liten tvil om at me brukar sosiale medium for snevert. Kunnskapen om kva som er mogleg for dårleg, seier direktør i Difi, Hans Christian Holte i ei pressemelding.
Det er gjennomført ei brei kartlegging av statlege verksemder sin bruk av sosiale medium, og konklusjonen er klar; kommunikasjonsavdelingane er pådrivarar for å bruke sosiale medium medan fagavdelingane manglar kompetanse og er ikkje bevisste nok til å utnytte potensialet.
Holte meiner kunnskapen må på plass i heile verksemda.
– Den mest nyskapande og nyttige bruken av sosiale medium skjer i samarbeidet mellom fag – kommunikasjons – og IT-avdelingar. Døme er når forvaltninga tar i bruk netthøyringar eksternt og wikiløysingar internt, seier han.
Difi har tidlegare laga ein veiledar i sosiale medium for forvaltninga, den skal no oppdaterast, blant anna med gode døme på korleis ein kan bruke sosiale medium på ein god måte.
