Berre 4 av 10 kommunar overfører kommunestyremøta sine på web-tv eller radio.
Ifølgje Kommunal rapport viser 26 prosent av kommunane møta på web-tv, medan 14 prosent overfører møta på radio.
Fleire av kommunane som overfører via web-tv har ordningar som gjer at saker frå møta blir søkbare også i ettertid. I Sør-Varanger, ein kommune med 19 000 innbyggarar, er det om lag 250 til 300 som ser på eit vanleg kommunestyremøte på nett.
I Kvinnherad overfører dei også via web-tv. Her har ein innført ein viss kleskode for politikarar som skal i møte, slik at dei er pent kledde når dei blir kringkasta for innbyggjarane.
Dei fem kommunane som utgjer Valdres-regionen overfører møta sine via Valdres Radio. Ordførar Kåre Ragnar Helland (Sp) i Valdres-kommunen Sør-Aurland seier til avisa at han trur dette er ein god måte å nå bygdefolket på, men at det er mest den eldre garden som høyrer på møta deira.
