– Bygg Diktarvegen med kunnskap og kreativitet – og høyr med dei yngste korleis dei vil ha det. Eg blir blitt bekymra når eg står her og ser at gjennomsnittsalderen i salen er 50 år, sa den svenske kulturentreprenøren Putte Svensson Sahlin då han gjesta Diktarvegkonferansen på siste dagen.
– Gå til dei som er under 15 år og høyr kva idear dei har. For dei er alt mogleg, dei har ikkje lært seg å seie nei, var beskjeden frå ein som snakkar av eigen erfaring.
Som 15-åring var Svensson initiativitakar til Hultsfredfestivalen, den første rockefestivalen i Sveriges historie. Med ungt pågangsmot og ein urokkeleg tru på at alt er muleg setje han i sving ein festival som på nittitalet nådde ufattelege høgder. Den vesle byen Hultsfred, med sine 4 500 innbyggjarar, var på det meste vertskap for 30 000 festivaldeltakarar. Sidan har han vore med og utvikla skular, campingplassar, andre kulturarrangement, og han er i dag ein ettertrakta kulturentreprenør og reiser rundt med sine føredrag.
– Har barna vore med og påverka det som skal skje langs riksveg 13, vil dei kjenne ansvaret for det i framtida, seier Svensson, som ikkje sjølv er redd for å invitere 8-åringar som referansegruppe for sine prosjekt. Han er heller ikkje redd for å dra ressonementet enno lengre: – Lytt ikkje til kva staten seier, tenk sjølve heller.
– Det er hundre gongar viktigare å kalle vegen Diktarvegen enn riksveg 13. Diktarvegen er unikt, sa kulturentreprenøren.
