Vox og Lettlest Media gir no ut ei elektronisk utgåve av Klar tale på nynorsk. Ugåva har fått navnet Klart og kort.
Vox og Lettlest Media inngjekk ein avtale i desember 2012 om ei elektronisk utgåve av Klar tale. Sidan Klar tale har bokmål som eineform i statuttane sine måtte den nynorskve versjonen få eit nytt navn; Klart og kort.
Klart og kort er ei avis på fire sider som vil bli sendt ut på epost kvar torsdag til skular og grupper som er interesserte. Avisa kjem ut med 40 utgåver i året, den første kjem 10. januar. Det første året vil Vox fullfinanisere avisa.
Les også: Mange oppgåver for Vox
– Men på sikt, viss interessa blir stor, kan det bli aktuelt å både utvide avisa og gjere den om til ei abonnementsavis, seier seniorrådgjevar i Vox, Helga Arnesen.
Ho legg vekt på at avisa blir sentral i vaksenopplæringa i nynorskkommunane, men at den også kan brukast i grunnskulane. I avisa vil ein finne både innanriks – og utanriksstoff, i tillegg er det variasjon mellom korte og lengre saker som gjer avisa lettare å lese.
