Erna Solberg (H) vil ha valfritt sidemål, men behalde mållova.
– Kva blir den viktigaste språksaka fram mot Stortingsvalet 2013?
– Det trur eg vert sidemålsundervisninga i skulen.
– Kva blir den viktigaste nynorsksaka ?
– Eg trur kampen for å bevare dei norske domena for fagspråk vert sentral framover.
Les også : Vil halde på sidemålet
– Kva tenkjer du om framtida til sidemålet og sidemålskarakteren?
– Høgre sitt programutval har teke til orde for valfritt skriftleg sidemål i ungdomsskulen og den vidaregåande skulen. Avgjerda vert teken på Høgre sitt landsmøte i mai. Høgre vil bygge opp under begge målformer som hovudmål i skulen og såleis sikre dei for framtida. Vi legg vekt på å framleis ha to likestilte målformer og vil halde fram med undervisning i båe.
– Kva tenkjer du om mållova? Bør ho bestå?
– Ja
Les også: Trur på valfritt sidemål
– Kva trur du blir den viktigaste utfordringa for nynorskkommunane framover?
– Å få tak på nok kvalifiserte folk som samstundes har tilstrekkelege nynorskkunnskapar.
– Korleis påverkar språksakene eit eventuelt regjeringssamarbeid etter valet?
– Språksaka vil verte ein naturleg del av tingingane til ei ny regjering. Dette har til no ikkje vore eit problemområde.
Les også: Vil skape betre haldningar
——————————————————
Me utfordrar partileiarane på Stortinget på kva dei meiner blir den viktigaste språksaka fram mot stortingsvalet i 2013. I dag: Erna Solberg (H).
