Det offentlege bruker 300 millionar kroner i året på å forklare nordmenn komplisert byråkratispråk. Kommunalminister Jan Tore Sanner (H) gir 1 million kroner til språkvask.
Hundretusenar av nordmenn slit med uforståelege ord, vrine uttrykk og lange, tunge setningar i møte med det offentlege, skriv Dagsavisen.
– Ein av tre nordmenn har problem med å forstå kva som står i offentlege dokument og brev. Halvparten av dei som ikkje forstår, ringjer til det offentlege for å få hjelp, seier Jan Tore Sanner til avisa.
Kommunalministeren legg derfor 1 million kroner på bordet til eit pilotprosjekt som skal forenkle språket i dei 428 kommunane.
– Alle språkspørsmåla kostar det offentlege minimum 300 millionar kroner kvart år. Vi kan bidra til at offentleg tilsette kan bruke arbeidstida på andre ting enn å svare på spørsmål om kva som eigentleg står i det brevet som blei sendt ut, seier Sanner. (©NPK)
