Bokhandlarane sitt barnebokstipend går i år til Sunniva Relling Berg.
Den 26 år gamle forfattaren debuterte i 2011 med den kritikarroste ungdomsromanen «Utfor», som vart nominert til Brageprisen. I fjor følgde ho opp med «Beina i gitaren».
Med si andre bok viser forfattaren at ho er komen for å bli, skriv Norske barne- og ungdomsbokforfattarar sitt litterære råd i grunngjevinga for tildelinga. Stipendet er på 40.000 kroner.
– Sunniva skriv flotte ungdomsbøker. Me håper stipendet motiverer til meir skriving og fleire romanar, seier Trine Stensen, administrerande direktør i Bokhandlerforeningen.
