Over 100 kommunar pålegg dei folkevalde teieplikt frå lukka møter, trass i at dette er ulovleg.
Det viser ei undersøking Stavanger Aftenblad har gjort av 140 kommunar.
106 av kommunane pålegg politikarane teieplikt frå lukka møte, medan 23 kommunar har regelverk som opnar for slike avgrensingar. I elleve kommunar var regelverket uklart.
– Det er tydeleg at ikkje alle kommunar er samde i den rette forståinga av reglane, nemleg at folkevalde ikkje har eller kan påleggjast teieplikt anna enn der teieplikt er fastsett ved lov, seier professor Jan Fridthjof Bernt ved Universitetet i Bergen.
For snart 15 år sidan bad Kommunaldepartementet kommunane om å slutte å påleggje politikarane teieplikt i strid med lova. (©NPK)
