Med sine 117 år er Ivar Aasen-tunet i Ørsta det eldste språkmuseet i verda, ifølgje ei kartlegging av all verdas språkmuseum.
I e-boka «A world of languages and written culture» har direktør Ottar Grepstad dokumentert i alt 58 språkmuseum rundt om i verda, men ingen av dei så gamle som Ivar Aasen-turnet.
Det overraskar dagleg leiar Gaute Øvereng i Ivar Aasen-tunet.
– Vi visste at Ivar Aasen var før si tid, og at dette er det eldste personmuseet i Noreg og det einaste språkmuseet i Norden. Men vi vart overraska da det viste seg at vi også er eldst i verda, seier Øvereng.
Det nest eldste er Gutenberg-museet i Mainz og eit museum etter ordboksforfattaren Samuel Johnson i London. (©NPK)
