Det er 56 kommunar som konkurrerer om å bli Årets friluftslivskommune.
Konkurransen vert arrangert for fjerde gong, i regi av Norsk Friluftsliv og Friluftsrådenes Landsforbund. Formålet med konkurransen er å få auka søkjelys på friluftsliv og inspirera kommunane til større innsats for friluftslivet.
– Vi er svært nøgde med at 56 kommunar har meldt seg på, dette er det høgste talet vi har sett sidan starten i 1997. Vi trur Friluftslivsåret har hatt ein god effekt på friluftslivet i norske kommunar. Kommunane har gjennom arealforvaltinga si, tilrettelegging og samarbeid med frivillige organisasjonar stor påverknad på kva tilgang folk har til gode friluftslivsopplevingar. Det høge deltakartalet tolkar vi som at kommunane tek friluftsliv på alvor. Vi ser allereie no at det er gjort mykje bra friluftslivsarbeid i mange kommunar. Konkurransen om å bli kåra til Årets friluftslivskommune blir difor hard, seier Hans Erik Lerkelund, i Norsk Friluftsliv i ei pressemelding.
Den 5. november skal juryen plukke ut dei tre beste kandidatane blant dei 56 konkurrentane. Offentleggjeringa av vinnaren skjer på ein konferanse for Friluftslivsåret på Oppdal 1. og 2. desember. (©NPK)
Sjå dei nominerte her:
Alstahaug
Arendal
Aurskog-Høland
Bygland
Bærum
Dønna
Eigersund
Elverum
Evenes
Gausdal
Giske
Gjesdal
Gjøvik
Gloppen
Gol
Grong
Halsa
Hamar
Hammerfest
Hurdal
Inderøy
Karlsøy
Kvinnherad
Kviteseid
Levanger
Lier
Lyngen
Løten
Meland
Melhus
Meløy
Nesset
Nord-Aurdal
Nordreisa
Oppdal
Porsgrunn
Radøy
Rauma
Rennesøy
Salangen
Sandefjord
Sandnes
Sel
Selbu
Skjåk
Stavanger
Storfjord
Sund
Surnadal
Tjelsund
Tromsø
Tvedestrand
Vågå
Ål
Ålesund
Åmli
