Heim Nyhende Fryktar styring av tilbodet til skulane

Fryktar styring av tilbodet til skulane

Kunstredaktør åtvarar mot omlegginga av Den kulturelle skulesekken som kulturministeren legg opp til.

 

 

Omlegginga til kulturminister Thorhild Widveys (H) av Den kulturelle skulesekken bekymrar kunstredaktør, som fryktar styring av kunsten.

Gerd Elise Mørland seier til Klassekampen at omlegginga vil kunne avgrense kunsten som blir tilbydd elevane. Mørland er redaktør i nettstaden Periskop, som jobbar med barn og unges møte med profesjonell kunst.

Widvey opplyste i august at Kulturdepartementet omorganiserer Den kulturelle skulesekken, ei nasjonal satsing som bringar profesjonell kunst til alle skuleelevar i landet. Rikskonsertane får no ansvaret for Skulesekken, og Widvey ønskjer at han i større grad rettar seg mot læreplanane i skulen. Ifølgje statsråden er det nødvendig at den «betre understøttar det pedagogiske arbeidet og bidreg til realisering av læreplanmåla i skulen».

– Det er ein stor fare for at Skulesekken vil leite etter og føretrekkje kunstuttrykk som berre passer med lærarplanen. Då blir det skulefaglege favorisert over det kunstfaglege, seier Mørland.

Dagleg leiar Tove Bratten i Danse- og Teatersentrum, er også opptatt av at framsyningane som blir sett opp i regi av Den kulturelle skolesekken, skal halde fram å vere frie og opne:

– Det å lage pedagogisk kunst for barn var noko ein dreiv med på 1970-talet. Det er svært viktig at kunsten som blir tilbydd elevane, får vere heilt fri og skapt på kunstnariske premissar. Det gagnar kvaliteten på kunsten, seier Bratten. (©NPK)

NYNORSK INSPIRASJON

SPRÅKBRUKSPLANAR

Meir enn 30 av LNK sine medlemskommunar har vedteke eigne språkbruksplanar – eller målbruksplanar som dei ofte vart kalla før. Dei fleste planane byggjer...

Tilbyr digitalt språkkurs for kommunetilsette

Øygarden kommune har utarbeidd eit digitalt språkkurs som handlar om grunnleggjande nynorsk grammatikk og oppgåver undervegs. Kurset er lagt inn i KS Læring. Deltakarane vert...

Klar med nynorskkurs for lærarar

Kurset er laga for at lærarar som skal bruka nynorsk og undervisa i nynorsk skal bli trygge nynorskbrukarar. På oppdrag frå Bergen kommune har Nynorskkommunane...

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

MEST LESE

– Éin nynorskmillion er ikkje nok

– Det er avgjerande at Teater Vestland får auka tilskot i ei krevjande tid, men Støre-regjeringa har samla sett ikkje levert godt nok for...

Jublar over nynorskstøtte

Nynorsk bedriftsforum er tildelt 950 000 kroner frå spelemidlane for 2025. Midlane er fordelte av Kultur- og likestillingsdepartementet og skal gå til vidare utvikling...

Trond (39) er tilsett i LNK – skal styrka nynorsk i skulen i Rogaland

Landssamanslutninga av nynorskkommunar har tilsett Trond Salte (39) for å få fart på prosjektet «Meir mål på Jæren». – Det er makelaust gildt! seier Trond...

Årsrapport for LNK 2023–2024

Annakvart år, i samband med årsmøtet og landstinget i LNK, legg organisasjonen fram ei fyldig årsmelding og revidert rekneskap for dei siste to driftsåra....