15. desember 1885 vedtok kommunestyret i Fjelberg at landsmålet skal nyttast «ved all Brev- og Bokføring i Heradsstyrets Tenesta».
Dette er det fyrste vedtaket om landsmål som administrasjonsspråk i ein kommune, og kom nokre månader etter Jamstelligsvedtaket 12. mai 1885.
Kvinnherad mållag markerer hendinga på torsdag med å gje bokpakker til 18 barnehagar og stå på stand ulike stader, før heradsstyret truleg vedtek ein ny målbruksplan på torsdag.
Gaute Lund (Raudt) er sjølv styremedlem i Kvinnherad Mållag og tok opp spørsmålet om målbruksplan i ein interpellasjon i november, ifølgje Grenda.
I innstillinga frå rådmannen til torsdagens kommunestyremøte går rådmannen inn for at det blir laga ein slik målbruksplan i samarbeid med Kvinnherad Mållag.
– Eit flott initiativ og ei veldig viktig sak, uttalar ordførar Peder Sjo Slettebø ifølgje Grenda..
Ein målbruksplan vil sei noko om:
- Målbruk i Kvinnherad kommune – historisk bakgrunn
- Målform i Kvinnherad kommune
- Språkpolitiske mål og retningsliner
- Tiltak: Opplæring, hjelpemiddel, bruk av skjema, utlysing av stillingar m.m.
