Heim Nyhende Små kommunar kan få mindre pengar framover

Små kommunar kan få mindre pengar framover

Kommunal- og moderniseringsminister Jan Tore Sanner (H) foreslår å kutte i tilskotet til kommunar som vel å vere små. – Regjeringa tvingar fram kommunesamanslåing, meiner Senterpartiet.

 

– Inntektssystemet lønar kommunar som vel å vere små. Det fører til at kommunar som slår seg saman over tid taper inntekter. Vi vil gjere systemet meir nøytralt og fjerne hindringar for kommunesamanslåing, seier Sanner.

Torsdag sende regjeringa eit forslag til nytt inntektssystem for kommunane ut på høyring. Ifølgje Sanner vil regjeringa framleis gi kompensasjon til tenester som kjem av lange avstandar og spreidd busetjing, for eksempel til grunnskule og heimeteneste. Kommunar som ufrivillig er små vil framleis få basistilskot, som i hovudsak dekkjer administrasjonskostnadar, mens kommunar som frivillig er små vil få eit lågare tilskot.

Sp: – Bryt lovnad om fri vilje

Senterpartiet har tidlegare åtvara mot å kutte småkommunetilskotet og har hevda eit kutt i tilskotet vil vere eit forsøk på å tvinge gjennom ei kommunereform. Sp-representant i Stortingets kommunal- og forvaltningskomité Heidi Greni meiner kutt i basistilskotet er endå meir alvorleg.

– For ein liten kommune kan eit slikt kutt utgjere 10– 20 prosent av budsjettet. Dette er eit forsøk på å tvinge fram kommunesamanslåing, seier ho.

Sanner har fleire gonger understreka at samanslåing skal skje frivillig.

– Regjeringa bryt eigne løfte. Kutt i pengestøtta fører til at lokalpolitikarar blir tvinga til å vedta samanslåing, seier Greni.

Sanner: – Rettferdig inntektssystem

Kommunal- og moderniseringsministeren sjølv meiner endringane i inntektssystemet til kommunane heller vil legge til rette for sterke og levande lokalsamfunn.

I tillegg til å endre basistilskotet foreslår han også å endre det mykje omdiskuterte småkommunetilskotet.

– Småkommunetilskotet blir vidareført, men blir meir målretta mot kommunar med reelle distriktspolitiske utfordringar. I tillegg ønskjer vi at tilskotet skal vere per innbyggjar, og noko mindre per kommune. Slik blir systemet meir rettferdig, seier Sanner. (©NPK)

NYNORSK INSPIRASJON

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

Seks fine julebøker på nynorsk

Mange skular og barnehagar bruker adventstida til høgtlesing kvar dag. Her får du tips til fleire gode bøker på nynorsk med god...

Vil gi utviklingsstøtte til fleire nynorske produksjonar i Den kulturelle skulesekken

Kulturtanken, Seanse, Høgskulen i Volda og fleire fylkeskommunar samarbeider om å få meir nynorsk i Den kulturelle skulesekken i ei heilt ny...

MEST LESE

– Alt gjer seg betre på nynorsk

Prisvinnar Øystein Furevik gir folk nynorsk i ei verd prega av engelsk. For han er nemleg alt betre på nynorsk. – For meg er nynorsk...

Nynorsk kultursentrum stiller opp for Det Norske Teatret

Det Norske Teatret troppa opp på Festspela for å lansere si nye kampanje for å tette finaniseringsgapet som har utvikla seg samanlikna med Nathionaltheatret....

Nynorsk barnelitteraturpris til Markus Lantto og Camilla Kuhn

Forfattar Markus Lantto og illustratør Camilla Kuhn har fått Nynorsk barnelitteraturpris 2022 for boka Kåre og Marimba hjelper til gjeven ut på Samlaget. – Juryen...

Ber storsamfunnet syta for at retten til eige språk og kultur er reell

Landstinget til LNK Nynorskkommunane kom med støtte til samar, kvener, norskfinnar og skogfinnar. – Me i LNK Nynorskkommunane var samla til landsting same dag som...