Kongen i statsråd har utnemnd Tone Hansen til ny leiar av Kulturrådet.
Hansen kjem frå stillinga som direktør ved Henie Onstad Kunstsenter. Ho skal leia Kulturrådet frå 2016 til 2020.
– Eg vil vera med og setja premissane for kulturlivet i framtida og tek med meg mi eiga erfaring frå mange ulike roller innan kulturfeltet, seier Hansen.
I tillegg er Martin Revheim, Jorunn Veiteberg, Thorbjørn Gabrielsen og Maria Utsi utnemnde som medlemmer for same perioden.
– Kulturrådet står sentralt i norsk kulturliv. Med Tone Hansen som leiar løftar vi det visuelle feltet. Ho har vist seg som ein sterk leiar som kan ta rådet gjennom dei endringsprosessane det no står overfor, seier kulturminister Linda Hofstad Helleland (H). (©NPK)
