Forhandlingsutvala i dei to Nordfjordkommunane Eid og Selje inngjekk fredag intensjonsavtale om samanslåing.
Den nye kommunen vil få om lag 9.000 innbyggjarar og blir den største kommunen i Nordfjord og blant dei fire største i Sogn og Fjordane.
Nordfjordeid blir det nye kommunesenteret i storkommunen. Det er også klart at ordførar og rådmann med strategiske leiingsfunksjonar blir lokalisert på Eid. Selje blir base for nærings-, utviklings- og planavdelinga.
Intensjonsavtalen opnar for samanslåing til ein kommune frå 1. januar 2020. Men endeleg vedtak blir gjort i kommunestyremøta i Selje og Eid 26. januar, fortel Firda.
