Marny Skeie Henkel har fått prosjektansvaret for Diktarvegen. Ho skal verke som prosjektleiar fram mot konferansen i Balestrand våren 2010.
– Ei viktig oppgåve no blir å samarbeide og samordne Diktarvegen med andre som har dei same interessene som oss, seier Skeie Henkel. – Vi må gjere prosjektet kjend og få ut informasjon om Diktarvegen til alle aktuelle kommunar. Diktarvegen vil derfor opprette ei nettside som mellom anna vil ha ein kulturkalender for aktivitetar langs rv 13.
– Det er viktig at vi får på plass noko konkret og synleg ganske fort, seier prosjektleiaren.
Marny Skeie Henkel er også tilsett som prosjektleiar for Rasmus Lølandmarkeringa 2007 – 2011. Ho understrekar at ho berre er midlertidig tilsett som prosjektleiar for Diktarvegen. Under vårkonferansen til Diktarvegen våren 2010 vil det bli etablert meir permanente styrings- og leiingsfunksjonar.
