Den nye regjeringa byr på omrokkeringar og nye namn. – LNK vil ønskja den nye regjeringa lukke til med det viktige arbeidet som ligg framfor dei i perioden som kjem, seier dagleg leiar Vidar Høviskeland.
-På “våre område” har dei tre regjeringspartia laga eit godt politisk grunnlag i dei fire åra som har gått – ikkje minst gjennom den sektorovergripande språkmeldinga “Mål og meining”. No står det att å skaffa midlar til alle dei gode tiltaka i denne meldinga.
Dei tre departementa LNK tradisjonelt har hatt mest kontakt med, altså kultur-, kunnskap- og kommunaldepartementet, har alle fått nye statsrådar, og det vert jo spennande å sjå kva det fører med seg. Men eg håpar og reknar med at samarbeidet med “den nye” regjeringa vert godt også i åra som kjem, seier Høviskeland i ein kommentar.
Meir om samansetjinga i den nye regjeringa finn du på regjeringa sin heimesider.
