Kunnskapsdepartement sitt utkast til rammeplan for grunnskulelærarutdanninga opnar for fritak frå prøve i nynorsk.
Eit slikt fritak kan gi lærarar som ikkje kan undervise i heile landet, skriv Norsk Lektorlag på sine nettsider. I utkastet vert det lagt vekt på at visse grupper av lærarar for 1 – 7 trinn i grunnskulen kan få fritak frå prøve i skriftleg sidemål.
– Det kan sjå ut som om Kunnskapsdepartementet innfører fritaksbestemmingar for den nye grunnskulelærarutdanninga som kan føre til at me i framtida får grunnskulelærarar som berre beherskar ei norsk målform, seier Gro Elisabeth Paulsen, leiar i Norsk Lektorlag.
Norsk Lektorlag har no gitt eit høyringssvar der dei stiller spørsmål om dette fritaket vil få ein avgrensa undervisningskompetanse i forhold til kommunanes opplæringsmål.
Les meir her.
