Arbeidarpartiet vil ikkje gi 16-åringar stemmerett ved stortingsval eller avskaffe kongedømmet med verknad straks.
Partiet seier også nei til forslag som skal gjera det lettare for stortingsrepresentantar å slutte på Stortinget i valperioden.
Tre forslag til grunnlovsendringar, som skal behandlast i Stortinget 27. mai, vart drøfta på partiets siste gruppemøte i Stortinget. Det var ikkje stemning for at partiet skal stemme for nokon av forslaga. Dermed har dei heller ingen sjanse til å bli vedtekne fordi grunnlovsendringar krev to tredels fleirtal.
I alt ligg det 25 forslag til endringar i Grunnloven til behandling i Stortinget. (NPK)
