– Eg har stor tru på samhandlingsreforma, men vi må ta eit steg om gangen, seier kommunal – og regionalminister Liv Signe Navarsete (Sp) til Kommunal Rapport.
Kommunalministeren meiner kommunane ikkje treng å førebu seg på samhandlingsreforma ennå.
– Eg har ikkje sagt at nokon skal ta reforma på forskot. Heile kommunesektoren kan ikkje organisere seg inn mot ei røynd som ikkje finst enno. Dei kan ikkje gje seg inn på omorganisering innan rammene er på plass, seier Navarsete til Kommunal Rapport.
Det var på den årlege konferansen til Kommunalbanken sist torsdag at Navarsete diskuterte gjennomføringa av samhandlingsreforma med Høgre – leiar Erna Solberg som blant anna kritiserte at det ikkje er klar noko finansiering av reforma.
– No er det mange kommunar som sit med prosjekt dei ikkje veit korleis dei kan gjennomføre. Framtida er uklår. Eg trur nok entusiasmen stoppar opp, og det er dumt, seier ho til Kommunal Rapport.
