90 kommunar har søkt om til saman seks millionar kroner til nye omsorgsprosjekt i landbruket.
Prosjekta er ein del av den såkalla Inn på tunet-satsinga til landbruket. 800 norske gardar rundt om i landet er i dag med på denne satsinga.
Gjennom samarbeid med landbruket får personar som treng det ekstra omsorg. Det kan til dømes vera personar med psykiske problem, barn og ungdom som slit med skulemotivasjon eller unge som får hjelp frå barnevernet.
Til saman er det sett av 18 millionar i prosjektmidlar til kommunane i perioden 2010–2013. I denne søknadsrunden var det lyst ut seks millionar kroner, og fleire av søknadene som kom inn er eit samarbeid mellom to og tre kommunar. (NPK)
