Veljarane strøymer til Høgre frå alle parti og i eit så stort omfang at valforskar Frank Aarebrot seier partiet kan bli landets største.
Oppslutninga om Høgre har stige jamt og trutt kvar einaste månad sidan valet i fjor haust. I juni landa partiet på 24,9 prosent når ein legg eit snitt av alle månadene sine målingar til grunn.
No viser Aftenpostens omfattande veljarpanel at Erna Solbergs parti stel veljarar frå alle kantar:
Sidan hausten 2009 har Høgre fått 133.000 veljarar frå Framstegspartiet, 129.000 frå Arbeidarpartiet og rekruttert heile 178.000 veljarar frå «sofaen».
– Dette er forrykande tal. Høgre kan bli det største partiet på Stortinget, seier valforskar Frank Aarebrot til Aftenposten, og trur Høgre kan regjere ålene dersom trenden held seg. Dessutan meiner han tala viser at partileiar Solberg har mykje av æra.
– Mens Siv Jensen (Frp) framstår som ein partileiar i opposisjon, framstår Erna Solberg som ein statsminister. Ho uttaler seg med tyngde og moderasjon, og ho blir ikkje «sjokkert». Og så snakkar ho om Høgres politikk, seier han. (NPK)
