Heim Nyhende 16-åringane skal stemma i Eid

16-åringane skal stemma i Eid

Gol trakk seg – Eid kommune har gitt stemmerett til 16-åringar neste år.

– Eg trur det betyr mykje for lokalsamfunnet at ungdom ikkje berre sit på sidelinja og kjem med innspel når det passar for vaksne, men at dei er med i lokaldemokratiet på linje med andre, seier Alfred Bjørlo (V), ordførar i Eid. Kommunen skal vera med på eit forsøk med stemmerett for 16- og 17-åringar som ein av tjue kommunar til neste år.

Ordføraren er begeistra for at Eid skal vera med på prosjektet, som til neste år blir gjennomført for andre gong. Eid fekk plassen til Gol, som først vart trekt ut til å vera med, men som seinare har vedteke i kommunestyret at dei ikkje vil vera med likevel.

LES OGSÅ: Visste ikkje at dei skal stemma

Hoppa i det
Ordførar i Gol, Halvor Lilleslett (V), har tidlegare fortalt at han er begeistra for forsøket med stemmerett for 16- og 17-åringar. Då han sendte inn søknad før kommunestyret hadde gjort eit vedtak, vart han overraska over å få motstand frå ungdomsrådet i kommunen. No, når Kommunestyret har gitt sitt endelege nei, er han skuffa.

– Det er synd om Gol kommunestyre ikkje vil vera med på eit forsøk som kan auka interessa i lokaldemokrati. Det er langt mellom dei unge listekandidatane. Svært få av dei unge blir medlem i kommunestyret. Forsøket i 2011 viste at dette gjorde store utslag for engasjementet i aldersgruppa i 18-26 år. Dette kunne gitt ei oppblomstring for det politiske arbeidet her i Gol, seier Lilleslett.

Han viser til Ålesund og Stavanger, der opp mot 20 prosent av kommunestyret er under 25 år.

– Eg stiller meg spørsmålet om partia som utgjorde fleirtalet faktisk er bekymra for at ungdom skal ta over listene, og at dei som tradisjonelt styrer difor vil mista makta.

I alt er han glad på Eid sine vegne, og var på veg til å senda gratulasjonsmail til Eid-ordføraren Alfred Bjørlo.

– Eg unnar Eid dette, det er kjempebra for dei. Eg skulle gjerne hatt forsøket her sjølv, seier Lilleslett.

LES OGSÅ: Ikkje alle vil ha stemmerett

Vil matcha Luster
I Eid var det ungdomsrådet sjølv som foreslo å søka om å vera med på prosjektet, fortel Alfred Bjørlo.

– Her har me eit aktivt ungdomsmiljø og engasjert ungdom. Eg trur dette er veldig positivt, seier han.

Han torer ikkje å komma med spådommar om valoppslutninga, men han har ein anna kommune i Sogn og Fjordane å måla seg etter. Luster kommune, som var med sist gong og er med igjen, hadde sist ei oppslutning på 82,2 prosent.

– Det viser i alle fall at det er mogleg å få det til, seier Bjørlo.

LES OGSÅ: Ungdomsreformen

NYNORSK INSPIRASJON

SPRÅKBRUKSPLANAR

Meir enn 30 av LNK sine medlemskommunar har vedteke eigne språkbruksplanar – eller målbruksplanar som dei ofte vart kalla før. Dei fleste planane byggjer...

Tilbyr digitalt språkkurs for kommunetilsette

Øygarden kommune har utarbeidd eit digitalt språkkurs som handlar om grunnleggjande nynorsk grammatikk og oppgåver undervegs. Kurset er lagt inn i KS Læring. Deltakarane vert...

Klar med nynorskkurs for lærarar

Kurset er laga for at lærarar som skal bruka nynorsk og undervisa i nynorsk skal bli trygge nynorskbrukarar. På oppdrag frå Bergen kommune har Nynorskkommunane...

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

MEST LESE

Strategi for Nynorskkommunane (LNK) 2025-2029

Landstinget vedtok ny strategi for Landssamanslutninga av nynorskkommunar – LNK. Strategien bygger på prinsipprogrammet til LNK: • LNK skal leggja til rette for at medlemene kan vera...

Jubileumsfeiringar, sterke stemmer og sommarstemning under Festspela

Festspela 2025 vart ei levande og meiningsfull markering av nynorsk språk og kultur. Med fantastisk sommarvêr, sterke kulturopplevingar og eit engasjert publikum, er det...

– No er vi klare for Festspela!

– Vi gler oss til å ta imot gjestar i alle aldrar til ein levande og samlande festival, seier festspelsjef og konstituert arenaleiar Ida...

Fråsegn frå landstinget til LNK: – Kommunane må få dekkja kostnadene til språkdelte klassar

Landstinget til LNK kjem med klart krav til at kommunane må få dekkja dei kostnadene dei har til språkdelte klassar i ungdomsskulen. Etter den nye...