Heim Nyhende 300 000 ekstra til nynorsk opera

300 000 ekstra til nynorsk opera

Opera Nordfjord i Sogn og Fjordane får ein auke i løyvingane på 300 000 kroner i 2012. Auken kjem frå regjeringa sin pott til nynorsksatsing.

I går var stortingsrepresentant Ingrid Heggø innom hos operasjef Kari Standal Pavelich med gode nyhende frå den raud-grøne regjeringa. I budsjettframlegget for 2012 ligg det inne ein auke til Opera Nordfjord på 300 000 kroner. Det inneber at samla løyving over statsbudsjettet blir 3,3 millionar kroner neste år.
Opera Nordfjord sette i fjor opp fotballoperaen Norge-Brasil, ein opera, som var på nynorsk. Operaen bruker nynorsk i mykje av si verksemd, og dette meiner regjeringa er viktig.
Kari Standal Pavelich lovar å bruke dei ekstra pengane på ein god måte. Programmet for neste år er ein eigen produksjon i mars, samarbeid med ungdomsskulen om musikal, ein sommaraktivitet og hovudproduksjonen Madame Butterfly. I tillegg har operasjefen veldig lyst til å prøve å få til ny aktivitet i form av ei familieframsyning i førjulstida.
Sidan statleg løyving etter avtale utgjer 70 prosent av løyvinga frå det offentlege, betyr det at ekstramidlane truleg utløyser ytterlegare 90.000 kroner frå kommune og fylkeskommune. Opera Nordfjord hadde i fjor kring to millionar kroner i salsinntekter og bortimot sju millionar kroner i omsetnad.
Eid-ordførar Sonja Edvardsen (Ap) er svært glad for ekstramidlane. Ho gjev Kari Standal Pavelich og mannen Michael mykje av æra for det som har skjedd. I tillegg har satsinga på kulturskulen vore ein motor både i form av kompetanse og talentutvikling.
– Å satse på kultur er viktig både for næringslivet og for å få tilflytting, seier Eid-ordføraren til Fjordabladet.
– Dette er heilt fantastisk flott. Endeleg er det nokon i valkampen som set pris på morsmålet vårt. Kultur er kjempeviktig. Det seier SV sin toppkandidat i Eid, Jorunn Sandvik til lokalavisa.

NYNORSK INSPIRASJON

Tilbyr digitalt språkkurs for kommunetilsette

Øygarden kommune har utarbeidd eit digitalt språkkurs som handlar om grunnleggjande nynorsk grammatikk og oppgåver undervegs. Kurset er lagt inn i KS Læring. Deltakarane vert...

Klar med nynorskkurs for lærarar

Kurset er laga for at lærarar som skal bruka nynorsk og undervisa i nynorsk skal bli trygge nynorskbrukarar. På oppdrag frå Bergen kommune har Nynorskkommunane...

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

MEST LESE

Uroa for alle som skal læra nynorsk etter funn i ny undersøking

Over 23 prosent av rektorane i grunnskulen var ukjente med at det blir krav til at skriveprogram skal støtta både nynorsk og bokmål frå...

Stillingsutlysing: Vil du få til meir MÅL på Jæren?

Stillingsutlysing: Er du glad i målet ditt, nynorsk og vil få fleire til å gleda seg over dialekta si og nynorsken? Er du i tillegg...

Språkrådet ber avisene sikre nynorskdelen i framtida

Nynorskavisa Kvinnheringen kan publisere Amedia-tekstar og meiningsinnlegg på bokmål, men trur ikkje dei vil skrive mindre nynorsk framover. – Det som overraska mest var nok...

Litteraturbåten Epos inviterer til litteraturcruise i Hardanger heile sommaren!

No kan du bli med den gamle bokbåten på tur blant bøker, bølger og bygder i Hardanger! Den 61 år gamle båten Epos har vore...