Heim Nyhende 5-åring håpar på langt liv

5-åring håpar på langt liv

Fem år har gått sidan dei fyrste Nynorske litteraturdagar vart arrangert. Prosjektleiar Arve Tokvam håpar festivalen i alle fall rekk å verte ti.

Jubilanten har opplevd oppturar og nedturar sidan han såg fyrste dagslyset i 2006, og prosjektleiar Tokvam kan innrømme at det ikkje alltid har vore like enkelt å vere med på å gje liv til eit nytt kulturtiltak i ein liten kommune som Aurland. Det som byrja med eit initiativ frå den litteratur- og kulturinteresserte ordføraren, Olav J. Ellingsen, og den tidlegare assisterande rådmannen, Claus Røynesdal, har blitt ein suksessrik femåring som har gjeve mange attraktive kulturtilbod i løpet av si relativt korte levetid.

Jamnare vitjingstal

No håpar Tokvam verkeleg at festivalen har klart å syne seg frå den riktige sida; nemleg som ein festival der ulike uttrykksformar smeltar saman, utfyller kvarandre og formar ein heilskap med språk, litteratur, kunst og musikk.

– Totalt sett har litteraturdagane i år gått knirkefritt for seg. Vi har ikkje hatt stappfulle arrangement, men jamnare vitjingstal enn i fjor, og vi har berre fått positive tilbakemeldingar frå forlag, publikum og forfattarar. Så vi er sjølvsagt kjempenøgde med utfallet av festivalen dette året, seier Tokvam. Vitjingstala for dei einskilde arrangementa og for heile festivalen er enno ikkje klare, men Tokvam meiner at økonomien foreløpig ser bra ut.

Stort ynskje

I år som aldri før har festivalen verkeleg satsa på mangfald. Fire unge kunstnarar har halde utstillinga “Arven etter Vinjum” i galleri Vinjum i samband med festivalen, og barnearrangementet der små kokkar kunne få utforske matlagingskunsten, drog fleire små og store enn tidlegare. Og sjølv om det skal mykje til for å toppe knallsuksessen sist år, meiner Tokvam at han har grunn til å sjå seg endå litt meir nøgd med 2010-versjonen av litteraturdagane.

– Det var ein heilt annan kvalitet over programmet i år, meiner han.

No sit Tokvam att med eitt stort ynskje. Det går ut på at Nynorske litteraturdagar skal leve i alle fall fem år til. Per i dag er det Norsk Kulturråd, Aurland kommune og fylkeskommunen som gjev tilskot til festivalen, medan Aurland sparebank er hovudsponsor, men Tokvam vil gjerne ha fleire med på laget.

– Me er avhengige av at kommunen og andre støttespelarar er med på å støtte oss vidare, seier han.

NYNORSK INSPIRASJON

Tilbyr digitalt språkkurs for kommunetilsette

Øygarden kommune har utarbeidd eit digitalt språkkurs som handlar om grunnleggjande nynorsk grammatikk og oppgåver undervegs. Kurset er lagt inn i KS Læring. Deltakarane vert...

Klar med nynorskkurs for lærarar

Kurset er laga for at lærarar som skal bruka nynorsk og undervisa i nynorsk skal bli trygge nynorskbrukarar. På oppdrag frå Bergen kommune har Nynorskkommunane...

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

MEST LESE

Språkrådet ber avisene sikre nynorskdelen i framtida

Nynorskavisa Kvinnheringen kan publisere Amedia-tekstar og meiningsinnlegg på bokmål, men trur ikkje dei vil skrive mindre nynorsk framover. – Det som overraska mest var nok...

Litteraturbåten Epos inviterer til litteraturcruise i Hardanger heile sommaren!

No kan du bli med den gamle bokbåten på tur blant bøker, bølger og bygder i Hardanger! Den 61 år gamle båten Epos har vore...

Nynorsk litteratur der ute – og heim igjen

Korleis har litteratur på mindretalsspråket nynorsk enda opp med å vinne internasjonale prisar? Og kvar går vegen vidare? Dette er nokre av spørsmåla du kanskje...

Nynorsk og bokmål må inn i Grunnlova

Det er på høg tid å grunnlovfesta norsk som nasjonalt hovudspråk i Noreg og grunnlovfesta jamstillinga mellom bokmål og nynorsk. Den formelle likestillinga mellom bokmål...