Heim Nyhende Ål og Gloppen på kulturtoppen

Ål og Gloppen på kulturtoppen

Dei største byane i Noreg gjer det dårlegare på kultur, ifølgje Norsk Kulturindeks.

 

Kvart år tek Telemarkforsking tempen på norsk kulturliv ved å måla kulturbruk og kulturaktivitet i norske kommunar, fylke og regionar. Kvar bur det flest kunstnarar, kven har det meste omfattande kinotilbodet, kor finn me flest aktive biblioteklånarar og kven har den største koraktiviteten i forhold til innbyggartalet? Dette, og mykje meir, freistar Norsk kulturindeks å svara på.

LES OGSÅ: Folk blir rausare av kultur

Røros er «gode på alt»

Vinnarkommunen Røros forsterkar posisjonen sin på trona av Norsk kulturindeks, sjølv med nye indikatorar i fleire kategoriar. Kommunen har klatra fleire plassar i ei rekkje kategoriar sidan i fjor: kulturarbeidarar, konsertar, kino, bibliotek, scenekunst og sentrale tildelingar.

– Røros utmerkar seg som ein kommune med mange konsertar av ein viss storleik, ei rekkje kulturarbeidarar og dessutan tiltak som sentrale styresmakter finn støtteverdige, seier prosjektleiar for Norsk kulturindeks Bård Kleppe i ei pressemelding.

LES OGSÅ: Noregs mest eksklusive festival?

Storbyane fell

Årets indeks er utvida på fleire område, med nye indikatorar i kategoriane konsertar og frivilligheit. Likevel er topplista relativt stabil. Me finn fem nye kommunar blant dei øvste 20 i år.

På andreplass finn vi Ål i Hallingdal. Ål har klatra to plassar scorar òg jamt over godt, med eit lite unntak for museum og frivilligheit. Ål scorar best i kategorien kulturarbeidarar og sentrale tildelingar. På tredjeplassen finn me Nord-Aurdal kommune i Oppland. Kommunen scorar godt i mange kategoriar, særleg kulturarbeidarar. Fjerdeplassen går til Gloppen og femteplassen går til Vadsø.

Alle dei største byane i Noreg går ned nokre plasseringar sidan i fjor. Både Oslo, Bergen og Trondheim fell fire plasseringar kvar og kjem på høvesvis 25., 16. og 10. plass.

Av større kommunar finn me Lillehammer (6. plass), Molde (8.), Hamar (9.), Trondheim (10.), Stavanger (11.), Kristiansand (12.), Harstad (13.) og Bergen (16.)

For fjerde år på rad hamnar Sør-Trøndelag på toppen av fylkesindeksen. Fylket har klatra to plassar i museumskategorien og falle to plassar i kategorien for Den kulturelle skulesekken. På andre plass finn me Troms som har klatra frå ein fjerdeplass i fjor. Særleg i kategorien frivilligheit har dei klatra etter at nye indikatorar blei innført. På tredjeplass finn me Oslo som har falle éin plass frå i fjor.

LES OGSÅ: Festivalar skaper store ringverknader

Kvart år tek Telemarksforsking tempen på norsk kulturliv ved å måla kulturbruk og kulturaktivitet i norske kommunar, fylke og regionar. Kor bur det flest kunstnarar? Kven har det mest omfattande kinotilbodet? Kor finn vi flest aktive boklånarar og kven har den største koraktiviteten? Dette, og mykje meir, freistar Norsk kulturindeks å svara på

Sjekk korleis kommunen din ligg an!

NYNORSK INSPIRASJON

Ber om forslag til Årets nynorskkommune – kven er best på nynorsk i koronatida?

Kulturdepartementet skal kåre årets nynorskkommune 2020. Prisen, som er på 100 000 kroner, går til ein kommune eller fylkeskommune som tar særleg...

Tips til digital litteraturformidling på nynorsk

Kreativiteten i den digitale litteraturformidlinga blømer i desse koronatider! Utlånet av digitale bøker har auka dramatisk etter at biblioteka stengde. Her har me samla fleire tips...
Foto: Colourbox

Her finn du digitale skuleressursar på nynorsk

Her får du hjelp til å finna digitale ressursar på nynorsk til bruk i skulen. Stengde skular og digital heimeskule viser kor viktig det...
Oppe frå venstre: Arnfinn Kolerud, Linn T. Sunne, Magnhild Bruheim, Solveig B. Bendixen og Bente Bratlund. Nede frå venstre: Atle Hansen, Harald Nortun, Maria Parr, Ingunn Thon og Rune Belsvik. Foto: forlaga og Framtida.no

Her er dei 10 beste barnebøkene på nynorsk

Ein jury har nominert dei ti beste barnebøkene som er skrivne på nynorsk etter år 2000. Barn og unge frå heile Noreg har sendt...
Ordførar Jorunn Skåden delte ut bokkasse til 1. og 2. trinn ved Valestrand oppvekstsenter. Foto: Svein Olav B. Langåker

Sveio deler ut nynorske bøker for 100.000 kroner

Bruker premiepengane på nynorske bøker for barn og unge etter å ha blitt kåra til Årets nynorskkommune i fjor. –...

Tysvær snudde negativ nynorsktrend

  Elevane på nynorskskulane i Tysvær kommune valde vekk nynorsk. No har kommunen klart å snu trenden.   I 2016 ville ingen foreldre ved skulane...

MEST LESE

Ber om forslag til Årets nynorskkommune – kven er best på nynorsk i koronatida?

Kulturdepartementet skal kåre årets nynorskkommune 2020. Prisen, som er på 100 000 kroner, går til ein kommune eller fylkeskommune som tar særleg...

Nye nettsider skal inspirera til meir nynorsk – har du tips til oss?

LNK har fått seg nye nettsider, og håpar desse skal inspirera til meir og betre bruk av nynorsk. Nye...

Språk på hjernen

Forskingsdagane 2020 har fokus på hjernen. Vi som har valt å arbeide med språk, kan kanskje seiast å ha...

Ny redaktør i Syn og Segn

Astrid Sverresdotter Dypvik er tilsett som redaktør i Syn og Segn. Ho er utdanna historikar og kjem frå ei stilling i Nationen.