Heim Nyhende Ruth Lillegraven blir festspeldiktar

Ruth Lillegraven blir festspeldiktar

– Eg er stolt og glad.

Ruth Lillegraven skal vere festspeldiktar når Dei nynorske festspela blir arrangert for 25. gong i juni neste år. Publikum kan sjå fram til å bli betre kjend med både festspeldiktaren og forfattarskapen hennar under Festspela i Ørsta og Volda 23. – 26. juni.

– Eg er stolt og glad over at eg skal få vere festspeldiktar under Dei nynorske festspela neste år. Det er ikkje så mange festivalar som har slike «verv», det gjer det jo endå meir stas. Dessutan er eg i flott selskap – det er mange eminente folk på lista før meg, seier Lillegraven sjølv.

Ho fortel at ho har inntrykk av at det blir ein del ulike oppdrag, med mange høve til å møte publikum og lesarar, og kanskje også få framheve nokre andre forfattarar ho sjølv set høgt.

LES OGSÅ: Brageprisen til Lillegraven

Lillegraven er lyrikar, kjent for vakre og gjenkjennelege bilete i eit enkelt, men verknadsfullt språk. Ho debuterte i 2005 med Store stygge dikt. Seinare har Lillegraven gitt ut romanen Mellom oss (2011), som er ei episk slektshistorie, og diktsamlingane Urd (2013) og Manilahallen (2014). I 2012 fekk Lillegraven pris frå Alfred Andersson-Ryssts fond. Året etter fekk ho Brageprisen for Urd. For same boka fekk ho òg Bokbloggarprisen i 2014. Lillegraven har også omsett dikt, skrive fleire barnebøker og samarbeidd med ulike musikarar og kunstnarar.

LES OGSÅ: Nynorske bøker vinn oftare prisar

– Vi har følgt Lillegraven heilt sidan debuten, og ser fram til at ho skal få setje sitt preg på neste års festspel. Med Lillegraven som festspeldiktar får vi også eit godt høve til å løfte fram lyrikken som ein levande og aktuell sjanger, seier programansvarleg for Dei nynorske festspela, Åshild Widerøe. 

Dei nynorske festspela blir arrangert i Ivar Aasen-tunet og andre stader i Ørsta og Volda 23. – 26. juni.

Meld deg på NYHENDEBREVET til Framtida.no om BØKER!

NYNORSK INSPIRASJON

SPRÅKBRUKSPLANAR

Meir enn 30 av LNK sine medlemskommunar har vedteke eigne språkbruksplanar – eller målbruksplanar som dei ofte vart kalla før. Dei fleste planane byggjer...

Tilbyr digitalt språkkurs for kommunetilsette

Øygarden kommune har utarbeidd eit digitalt språkkurs som handlar om grunnleggjande nynorsk grammatikk og oppgåver undervegs. Kurset er lagt inn i KS Læring. Deltakarane vert...

Klar med nynorskkurs for lærarar

Kurset er laga for at lærarar som skal bruka nynorsk og undervisa i nynorsk skal bli trygge nynorskbrukarar. På oppdrag frå Bergen kommune har Nynorskkommunane...

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

MEST LESE

– No er vi klare for Festspela!

– Vi gler oss til å ta imot gjestar i alle aldrar til ein levande og samlande festival, seier festspelsjef og konstituert arenaleiar Ida...

Fråsegn frå landstinget til LNK: – Kommunane må få dekkja kostnadene til språkdelte klassar

Landstinget til LNK kjem med klart krav til at kommunane må få dekkja dei kostnadene dei har til språkdelte klassar i ungdomsskulen. Etter den nye...

Landstinget til Nynorskkommunane: – Krev demokratisk kontroll over språket

Stavekontrollane til dei store selskapa Google, Microsoft og Apple er så dårlege at dei hindrar elevar i å læra korrekt norsk, og undergrev den...

Tale til landstinget: – Det er ikkje noko mindre enn ein skandale

Under her kan du lesa talen som statssekretær Trude Storheim i Kultur- og likestillingsdepartementet heldt på landstinget til LNK i Øygarden 3. juni. Det er...