Heim Nyhende Asylrekninga for kommunane i det blå

Asylrekninga for kommunane i det blå

Senterpartiet fortvilar over at regjeringa ikkje har klart å anslå heile asylrekninga for kommunane i vår.

 

Å få fastsett talgrunnlaget var ein vesentleg del av forliket om integreringspolitikken før jul, ifølgje Sps innvandringspolitiske talskvinne Heidi Greni.

– Departementet skulle ta kontakt med KS for å ha ein dialog om dei reelle kostnadane for kommunar som buset flyktningar og som har fått flyktningmottak, seier ho til NTB.

Greni meiner regjeringa dryger med å følgje opp forliket.

– Det bekreftar påstanden om at det blir jobba iherdig med innstrammingsforslaga, men at vi har ein integreringsminister som er veldig lite interessert i integrering, seier Greni.

Noreg tok i fjor imot over 30.000 asylsøkjarar, som no skal busetjast og integrerast.

– Heilt håplaust

Innvandrings- og integreringsminister Sylvi Listhaugs (Frp) stortingsmelding om integrering kjem 11. mai, same dag som revidert nasjonalbudsjett for 2016 og kommuneproposisjonen.

Men utan alle tala på bordet, vil det bli vanskeleg å få utgiftene til kommunane inn i revidert budsjett, fryktar Greni.

– Det ser ut til at dei ikkje har starta diskusjonar og utgreiingar av dei faktiske utgiftene ved å vere ein mottakskommune. Det er heilt håplaust, seier ho.

I forliket står det at regjeringa og KS saman skulle lage ein oversikt over dei auka kostnadane knytt til helse, skule, barnehage og barnevern og legge den fram for Stortinget i vår.

Oversikta skulle også «omfatte ei vurdering av integreringstilskotet og vertskommunetilskotet».

November

Greni har i Stortinget spurt Listhaug om meldinga vil innehalde ei felles forståing mellom regjeringa og KS om «kostnadar knytt til vertskommunane for mottak og busetjing».

Listhaug svarar at resultata frå Teknisk berekningsutval (TBU), som kartlegg utgiftene for kommunane til busetjing og integrering av flyktningar, blir lagt fram i meldinga.

Men når det gjeld utgifter til drift av asylmottak, vil TBUs tal først vere klare i november, ifølgje Listhaug.

Når det gjeld refusjonsordninga for kommunale barnevernstiltak til einslege mindreårige asylsøkjarar, viser ho til Barne- og likestillingsdepartementet.

Kor mykje?

Kor stor del av utgiftene sine kommunane skal få dekt, har lenge vore omdiskutert. Regjeringa avviser å kompensere kommunane fullt ut for integreringsutgiftene.

Men KS krev at staten blant anna må ta ein større del av rekninga ved busetjing av einslege mindreårige. KrF vil at staten skal dekke 95 prosent av kostnadane ved å busetje og integrere desse.

– Dette må ikkje bli eit økonomisk svarteperspel, sa fungerande KrF-leiar Dagrun Eriksen nyleg.

– Vi har fått ein veldig uverdig situasjon, både med einslege mindreårige og funksjonshemma. Dei stiller bakarst i køen for å bli plasserte ut.

Har lansert forslag

I meldinga blir det foreslått at alle asylsøkjarar skal få kurs i norsk kultur og samfunnskunnskap. Det vil også komme eit krav om at flyktningar og asylsøkjarar må bu i Noreg i fem år før dei kan få kontantstøtte.

I januar varsla Listhaug eit individtilpassa introduksjonsprogram for nye asylsøkjarar.

Forslag om lønnstilskot og fritak frå arbeidsgjevaravgift har vore lansert som jobbtiltak, men desse har ein stor kostnad for staten. 1. mai fortalde Listhaug at regjeringa vil gjere arbeidspraksis til ein del av introduksjonsprogrammet for nye innvandrarar.

Redusert lønn for flyktningar er upopulært i fagrørsla, som fryktar ein ny underklasse i arbeidslivet. (©NPK)

NYNORSK INSPIRASJON

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

Seks fine julebøker på nynorsk

Mange skular og barnehagar bruker adventstida til høgtlesing kvar dag. Her får du tips til fleire gode bøker på nynorsk med god...

Vil gi utviklingsstøtte til fleire nynorske produksjonar i Den kulturelle skulesekken

Kulturtanken, Seanse, Høgskulen i Volda og fleire fylkeskommunar samarbeider om å få meir nynorsk i Den kulturelle skulesekken i ei heilt ny...

MEST LESE

– Alt gjer seg betre på nynorsk

Prisvinnar Øystein Furevik gir folk nynorsk i ei verd prega av engelsk. For han er nemleg alt betre på nynorsk. – For meg er nynorsk...

Nynorsk kultursentrum stiller opp for Det Norske Teatret

Det Norske Teatret troppa opp på Festspela for å lansere si nye kampanje for å tette finaniseringsgapet som har utvikla seg samanlikna med Nathionaltheatret....

Nynorsk barnelitteraturpris til Markus Lantto og Camilla Kuhn

Forfattar Markus Lantto og illustratør Camilla Kuhn har fått Nynorsk barnelitteraturpris 2022 for boka Kåre og Marimba hjelper til gjeven ut på Samlaget. – Juryen...

Ber storsamfunnet syta for at retten til eige språk og kultur er reell

Landstinget til LNK Nynorskkommunane kom med støtte til samar, kvener, norskfinnar og skogfinnar. – Me i LNK Nynorskkommunane var samla til landsting same dag som...