Heim Nyhende AUF vil ha karakter i sidemål

AUF vil ha karakter i sidemål

Landsmøtet i AUF vedtok i helga at dei ønskjer eigen karakter i sidemål. Vedtaket vart gjort med stort fleirtal, og etter vedtaket braut det ut ståande applaus i landsmøtesalen.

– Vi er svært glade for vedtaket i AUF. Ein eigen karakter er avgjerande for å unngå svekking av sidemålsopplæringa, seier Håvard B. Øvregård, leiar i Noregs Mållag i ei pressemelding.

– Med dette vedtaket sender AUF eit sterkt signal til Arbeiderpartiet om at ungdomen ynskjer å styrkje nynorsken både som hovudmål og sidemål, ikkje svekkje faget ved å slå saman karakterar, seier Vebjørn Sture, leiar i Norsk Målungdom.

AUF viser mellom anna til korleis karakterar styrer undervisninga og at dersom karakteren i sidemål fell bort, vil det svært sannsynleg føre til mindre og dårlegare sidemålsundervisning. Dei er også tydelege på at dei ynskjer meir tid til grunnleggjande lese- og skriveferdigheiter i begge målformer, og tidlegare start med sidemål.

AUF har med dette snudd i synet på eigen karakter i sidemål. Dei har før meint at sidemål skulle vere ein integrert del av norskfaget, men at eigen eksamen/tentamen og karakter i sidemålet burde avskaffast.

– Landsmøtevedtaket er også eit viktig signal til Kunnskapsdepartementet sitt arbeid med norskfaget. Om ikkje lenge vert det sendt ut høyringsframlegg om revidert læreplan i norsk, der vurderingsformene er sentrale. Vi vonar Kristin Halvorsen lyttar til AUF og held fast på eigen karakter i sidemålet, seier Håvard B. Øvregård.

NYNORSK INSPIRASJON

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

Seks fine julebøker på nynorsk

Mange skular og barnehagar bruker adventstida til høgtlesing kvar dag. Her får du tips til fleire gode bøker på nynorsk med god...

Vil gi utviklingsstøtte til fleire nynorske produksjonar i Den kulturelle skulesekken

Kulturtanken, Seanse, Høgskulen i Volda og fleire fylkeskommunar samarbeider om å få meir nynorsk i Den kulturelle skulesekken i ei heilt ny...

MEST LESE

– Alt gjer seg betre på nynorsk

Prisvinnar Øystein Furevik gir folk nynorsk i ei verd prega av engelsk. For han er nemleg alt betre på nynorsk. – For meg er nynorsk...

Nynorsk kultursentrum stiller opp for Det Norske Teatret

Det Norske Teatret troppa opp på Festspela for å lansere si nye kampanje for å tette finaniseringsgapet som har utvikla seg samanlikna med Nathionaltheatret....

Nynorsk barnelitteraturpris til Markus Lantto og Camilla Kuhn

Forfattar Markus Lantto og illustratør Camilla Kuhn har fått Nynorsk barnelitteraturpris 2022 for boka Kåre og Marimba hjelper til gjeven ut på Samlaget. – Juryen...

Ber storsamfunnet syta for at retten til eige språk og kultur er reell

Landstinget til LNK Nynorskkommunane kom med støtte til samar, kvener, norskfinnar og skogfinnar. – Me i LNK Nynorskkommunane var samla til landsting same dag som...