Heim Nyhende Bergen går for nynorsk

Bergen går for nynorsk

Byrådet i Bergen går inn for at administrasjonsspråket i ein ny vestlandsregion vert nynorsk.

Utkastet til avtale om å slå saman Sogn og Fjordane, Hordaland og Rogaland er no ute på høyring i dei tre fylka. 

Onsdag sender byrådet i Bergen sitt innspel til bystyret.

– Det handlar om både historie og identitet, og at eit nynorsk under press vert tatt godt vare på, sier byrådsleiar Harald Schjelderup (Ap) til Bergens Tidene.

I utkastet til høyringsinnspel står det mellom anna:

«Bergen kommune meiner det er naturleg at administrasjonsspråket i den nye regionen vert nynorsk. Den nye regionen vil vere ein stor og viktig tekstprodusent, og med nynorsk som administrasjonsspråk vil den bidra til at innbyggjarane møter nynorsk i ein bokmålsdominert kvardag.»

– Vi er veldig glade for at Bergen ser det store biletet, sier leiar i Noregs Mållag, Magne Aasbrenn, til BT. 

– Skam vøre
I utkastet til avtale for Vestlandsregionen står det at administrasjonsspråket skal vere nøytralt. 

Formuleringa i avtalen har vakt mykje engasjement, og Jon Fosse har gitt sitt innspel til Hordaland fylkeskommune. Fosse skriv:  

«Vestlandet er utenkjeleg utan nynorsken, og nynorsken er utenkjeleg utan Vestlandet, så om ein del av Noreg, dei tre fylka Rogaland, Hordaland og Sogn og Fjordane, skal bli til ein vestlandsregion, ja til Vestlandet, ja så seier det seg sjølv at nynorsk må vera administrasjonsmålet på Vestlandet og at skriv ifrå den norske staten til Vestlandet må vera på nynorsk.

Om ikkje, ja så er det som om heile vestlendingen legg frå seg heile vestalandsidentiteten sin og gjer seg til austlending. Skam vøre.»

Dei tre fylkeskommunane har så langt fått over 30 ulike høyringssvar. Du kan også gi ditt innspel til avtalen om Vestlandsregionen HER.

NYNORSK INSPIRASJON

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

Seks fine julebøker på nynorsk

Mange skular og barnehagar bruker adventstida til høgtlesing kvar dag. Her får du tips til fleire gode bøker på nynorsk med god...

Vil gi utviklingsstøtte til fleire nynorske produksjonar i Den kulturelle skulesekken

Kulturtanken, Seanse, Høgskulen i Volda og fleire fylkeskommunar samarbeider om å få meir nynorsk i Den kulturelle skulesekken i ei heilt ny...

MEST LESE

Kan nokon snart skru av internett?

Internett har tatt kontroll over norske klasserom. Vi må endre den digitale skulekvardagen. Internett har kome for å bli. Det opnar verda og både spreier...

Høgre vil svekkje nynorsken for å styrkje ungdomsskulen

– Ungdomsskulereforma til Høgre er eit dårleg skjult åtak på nynorsken, seier leiar i Noregs Mållag, Peder Lofnes Hauge. Høgre vil fjerne karakteren i skriftleg...

Jorid Lekve Eide blir ny arenaleiar ved Haugesenteret

Jorid Lekve Eide er tilsett som ny arenaleiar ved Haugesenteret i Ulvik. Ho tek over etter Geir Netland som etter 10 år i stillinga...

Aina Basso er årets festivalforfattar på Falturiltu

Aina Basso har turnert landet rundt med spennande formidlingar og til hausten vil Falturiltu løfta fram heile forfattarskapen hennar under årets tema: FAKTISK og...