Heim Nyhende – Oooh, Bjørn Sortland, me elskar deg

– Oooh, Bjørn Sortland, me elskar deg

Festivalforfattar Bjørn Sortland fekk sin eigen songhyllest då han blei bokbada av ungdomen på Falturiltu.

– Taco eller pizza?

– Kan de skriva når de vil?

– Kva gjer de når de får skrivesperre?

– Er det noko spesiell mat de et når de skriv?

Spørsmåla er mange og skarpe når elevane ved 9. trinnet på Stord Ungdomsskule bokbadar forfattarane Bjørn Sortland, Ingelin Røssland og Terje Torkildsen, som vitjar litteraturfestivalen Falturiltu på Stord. I forkant av festivalen har elevane lese og jobba med bøker av forfattarane, som svarar villig på alt.

– Eg har innreia kontoret mitt som ein amerikansk diner med pølsegrill, så eg et altfor mykje pølser, svarar Sortland på det siste spørsmålet. – Og eg likar ikkje pølser ein gong, legg han til.

Les også om kvifor Bjørn Sortland er lei av å bli spurt om kvifor han skriv barnebøker: Drivne av eigne lesegleder

09kulFalturiltu-3886
Frå venstre: Bjørn Sortland, Ingelin Røssland, Terje Torkildsen. Foto: Henrik Mundal Andeassen / Sunnhordland

Skyt med pistol
Falturiltu feirar i år tiårsjubileum som verdas einaste nynorske barne- og ungdomsbokfestival med eit omfattande program både for unge og vaksne. Under bokbadet på tysdag fekk årets festivalforfattar, Bjørn Sortland, var så heldig å få sin eigen song frå elevane.

– Oooh, Bjørn Sortland, me elskar deg, du skriv så fint. Det er så detaljert, det er nesten som om eg var der, song Alberto Seidel, Sløve Bjelland Bratland og Jørgen Rundhovde Johnsen til sarte ukulele-tonar frå Daniel Vik. Elevane frå 9a-klassen har mellom anna lese boka 12 ting som må gjerast rett før verda går under frå 2001, ei av dei over 50 bøkene Bømlo-forfattaren har gitt ut.

– Kva likar du å gjera når du ikkje skriv?, spør intervjuar Maja Sadowska under bokbadet etterpå.

– Eg skyt med pistol. Det er meditasjon for meg, for du må pusta rett og konsentrera deg, svarar Sortland, og fortel at han blei sparka ut av si første karateøving fordi han lo under meditasjonen.

– Då er det enklare med pistol, seier han, til forskrekka gisp frå salen.

Les om fleire av innslaga på Falturiltu: Kvammen og Sortland til Folk og Finn

09kulFalturiltu-3862
Frå venstre Kaja Skåtevik Skjønberg, Celina Hauge Vatna, Tiril Kjempenes Kehr og Kaja Stangeland i dansenummeret om Ingelin Røssland. Foto: Henrik Mundal Andeassen / Sunnhordland

Veldig i mi ånd
Også Celina Hauge Vatna, Kaja Stangeland, Kaja Skåtevik Skjønberg og Tiril Kjempenes Kehr klinka til med eigenskriven song til melodien av «Jingle Bell Rock» i si framføring om ein av dei andre forfattarane på bokbadet:

– Ingelin, Ingelin, Ingelin Røssland, skriv på nynorsk, retta mot ungdom, syng dei i kor.

Jentene frå 9e-klassen har lese boka Engleslakt av den røynde ungdomsbokforfattaren frå Tysnes, som fekk rosande omtale i songen. Dei dramatiserte også utdelinga av Falturiltu-prisen til Røssland i 2011, og ein skjelvande «forfattar» fortalde om livet sitt som skodespelarstudent, journalistspire og forfattar i «takketalen» frå scenen.

– Veldig rørande, og veldig i mi ånd. Eg trur eg også ville ha gjort noko sånt då eg var på same alderen, sa Røssland sjølv då elevane inviterte henne til scenen etter framføringa.

– Kan du skildra ein vanleg kvardag for deg, og gjer du noko spesielt for å koma i skrivemodus?, ville dei vita.

– Akkurat no er min kvardag at eg ikkje får til å skriva noko som helst, innrømte Røssland med ein sjølvironisk latter. – Men eg prøver, la ho til, og kunne fortelja at det i alle fall skal koma ei ny bok frå henne i 2018, når ho feirar 20-årsjubileet sitt som forfattar.

Meir om Falturiltu her!

NYNORSK INSPIRASJON

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

Seks fine julebøker på nynorsk

Mange skular og barnehagar bruker adventstida til høgtlesing kvar dag. Her får du tips til fleire gode bøker på nynorsk med god...

Vil gi utviklingsstøtte til fleire nynorske produksjonar i Den kulturelle skulesekken

Kulturtanken, Seanse, Høgskulen i Volda og fleire fylkeskommunar samarbeider om å få meir nynorsk i Den kulturelle skulesekken i ei heilt ny...

MEST LESE

Vi treng eit nynorskløft i lærarutdanningane

I dag er det beint fram tilfeldig om ein student går ut av lærarutdanninga med kunnskap og kompetanse til å gje nynorskelevane ei god...

Ola Borten Moes handlingsplan for norsk fagspråk møter kritikk

Handlingsplanen til regjeringa for norsk fagspråk møter kritikk frå professor som meiner regjeringa prioriterer det norske språket over kvalitet i forskinga. – Engelsk er språket...

Framtida Junior er årets nynorskbrukar

Framtida Junior fekk prisen "Årets nynorskbrukar 2023" for å bryte veg for meir nynorsk på digitale medieflater og for å skrive om varierte emne...
Mindre lokalt - meir sentralt: Frå Radiohuset til NRK på Marienlyst i Oslo. Foto: Wikipedia

NRK oppfyller ikkje nynorskkravet – framleis for lite nynorsk på nett og radio

Andelen nynorsk i NRK har auka noko, men det er framleis eit stykke igjen til målet, viser Medietilsynets tilsynsrapport for fjoråret. Direktør Mari Velsand i...