Berre kvar fjerde nordmann meiner det er viktig at alle skuleelvar lærer å lese og skrive både nynorsk og bokmål.
Nesten halvparten av dei spurde, 46 prosent, meiner det ikkje er viktig at unge lærer seg å lese og skrive sidemål, ifølgje ei meiningsmåling Sentio har utført for Nationen.
Vestlendingar og Senterparti-veljarar er mest positive til obligatorisk sidemål i undervisninga. Mest negative er dei som bur på Austlandet og dei som stemmer Høgre.
Leiar Håvard B. Øvregård i Noregs Mållag seier til avisa at Framstegspariet sin Ungdom og Unge Høgre bevisst freistar å skape splid om nynorsken og at dei brukar dette i skulevala for å få auka oppslutning. Øvregård meiner det er rart at folk kan hetsast med bakgrunn i språket, sjølv om dette ikkje er legitimt når det kjem til rase eller legning.
Unge Høgre-leiar Henrik Asheim avviser kritikken:
– Nokon kan godt meine at dette er politisk hetsing, men det er politikk, og eg ser det er ein politikk som mange er einige i, seier han. (©NPK)
