Den nye sjåførtrøya til Nettbuss med teksta «Jeg kjører for deg» får bussjåfør Jens Brekke i Sogn til sende plagget i retur.
Trøya passar perfekt, men det gjer ikkje teksten på venstrearmen.
– Det går berre ikkje an i eit nynorskfylke, seier Jens Brekke til Sogn Avis.
Han meiner Nettbuss har bomma kraftig i profileringa av selskapet og sendte tysdag trøya tilbake til busselskapet. I feltet for returårsak skreiv han: «Feil tekst på armen. Skal vera på nynorsk. Sogn og Fjordane er eit nynorskfylke».
Jens Brekke seier til Sogn Avis at han meiner bommerten er tradisjonell overkøyring av nynorskbrukarane.
– Kan du tenkja for eit oppstyr det hadde vorte om bussjåførane i Oslo hadde stilt i trøyer med teksten «Eg kjører for deg!» Det hadde vorte litt av eit sirkus, seier bussjåføren som har vikariert for Sogn Billag i 40 år.
Det kan likevel ta eit par år før Jens Brekke får oppfylt ønsket om nynorsk sjåførtrøye, opplyser Nettbuss Sogn Billag. (NPK)
